Авыл

Әлмәттә комбайнчыларга премия өләшәләр

Районда 50 дән артык комбайнчы премияле булган инде.
09.09 22:00

(Әлмәт, 9 сентябрь, "Татар-информ", "Әлмәт таңнары"). Әлмәттә 500 һәм аннан да күбрәк тонна җыйган комбайнчыларга район башлыгы премияләренә сертификатлар тапшыру дәвам итә, дип яза җирле басма

“Союз-Агро” җәмгыятенең Кузайкино участогындагы биш комайнчысы да бүләкле булды. Андрей Капитонов 1055 тонна иген суктырган. Аның башка участоклардагы быелгы эшен исәпкә алганда, суктырылган мәйданы 1986 тонна килеп чыга. Геннадий Казаков безнең район кырларында 961, Максим Ратников 977, Николай Антонов 827, Сергей Коновалов 769 тонна суктырган. Авыл хуҗалыгы һәм азык-төлек идарәсе начальнигы Наил Усманов тырыш комбайнчыларга сертификатлар тапшырып, фидакарьлекләре өчен рәхмәтен җиткерде, җыелган 100 мең тонна бөртектә аларның да өлеше зур булуын искәртте.
“Союз-агро”лылар быелгы уңыштан канәгать.

 

 

 

– Бөртекле культуралардан уртача һәр гектарыннан 32,7 центнер уңыш чыга. Уҗым бодаеның 60 процентын җыеп бетердек инде. Борчак, арпа белән эшне тәмамладык. Уңыштан канәгать. Безнең технология башкалардан аерылып тора. Без туфракны эшкәртмичә генә турыдан-туры чәчкән идек. Бөртекләрнең сыйфаты яхшы, – диде җәмгыятьнең үсемлекчелек бүлеге начальнигы Илнар Харисов.
Кузайкино участогында 18 комбайн эшли. Эш бер минутка да туктап тормый. Ягулык салу һәм ашлык ташу машиналары янәшәдә генә.

 

 


Наил Усманов билгеләп үткәнчә, сертификатлар бирү туктамый. Районда 50 дән артык комбайнчы премияле булган. Кайберләре берне генә түгел, хәтта берничәне алырга өлгергән.


 

 

КӨН ҮЗӘГЕНДӘ

Яшь тарихчылардан экскурсия: Казанның иң матур мәчетеннән алып Пләтән төрмәсенә кадәр

“Казань глазами инженера” проекты кысаларында Казанның Пләтән бистәсе буйлап экскурсия узды.

Юто Хишияма: Рус теле уңайлырак, дип, татар теленнән баш тарту милләтнең бетүенә китерә

Япон галиме фикеренчә, татар телен кирәкле һәм файдалы итү татарларның үзләреннән тора.

22 сентябрьнең төп вакыйгалары - фото һәм сылтамалар

Р.Миңнеханов Төрекмәнстан Министрлар Кабинеты вәкиле М.Бабаев белән очрашты, синоптиклар кырау төшүе турында кисәтә.

Рамил Курамшин юбилей кичәсе уздыра

Программада халык көйләре, татар композиторлары әсәрләре яңгыраячак.

«Сөембикә» журналы Бөтенроссия бәйгесендә җиңү яулаган

Авыл тормышы «Сөембикә»нең гомер-гомергә төп темаларының берсе булды.