Дин

Татар теле халыкара аралашу теле булуын аңладым, бу миңа ачыш булды – хаҗи Рәшит Исламов

“Без Индонезия, Төркия һәм башка мөселман илләре халыклары белән җиңел аралаштык”, - ди хаҗи.
10.09 10:14

(Казан, 9 сентябрь, “Татар-информ”, Алмаз Шиһабетдинов). Татарларга изге сәфәр вакытында аралашу проблемалары тумаган. Бүген хаҗиларның беренче төркеме белән кайткан Рәшит Исламов “Татар-информ” хәбәрчесенә башка мөселман халыклары белән үз туган телендә җиңел аралашуы турында әйтте.

“Хисләрне сүз белән генә әйтеп бетереп булмый. Безнең бу гамәлебез эчке халәтебез белән бәйле. Мөселман иленә эләгү - үзе зур вакыйга. Андагы халәт, кешеләргә караш гаҗәпләндерә. Хәтта хокук саклау хезмәткәрләре дә мөселманнарга уңай карый, “Әссәламәгаләйкүм” дип исәнләшә. Изге җирдә булу минем хыялым иде. Аллаһның ярдәме белән бу хыял чынга ашты. Ул җирләрдән китәсе дә килми, ә киткәч, яңадан шунда кайтасы килә.”, - ди хаҗи.

“Башка илгә баргач, зур проблема туа – телне белмәү. Башка халыклар белән аралашырга телне белү кирәк. Мин монда үземә бер ачыш ясадым: безнең татар теле халыкара тел булып хезмәт итә ала икән. Барысы белән дә татар телендә аңлаштык. Индонезия, Төркия яки башка мөселман илләре халыклары белән җиңел аралаштык. Безнең уртак китабыбыз Коръән бар. Коръәндәге язылганнар белән гамәл кылгач, андагы сүзләр таныш булгач, безгә аралашырга җиңел булды”, - дип саный Рәшит Исламов.

Быел Татарстаннан изге сәфәргә 1700 кеше барды. Бүген аларның 46 сы хаҗдан кайтты. Башкалары шушы атнада туган якларына кайта башлаячак. Хаҗиларны каршы алырга Татарстан Республикасы мөфтие Камил хәзрәт Сәмигуллин да килгән иде.
 

КӨН ҮЗӘГЕНДӘ

Казанда Шиһабетдин Мәрҗанигә багышланган нәфис фильм тәкъдим ителде

Фильм Шиһабетдин Мәрҗани еллыгы уңаеннан төшерелгән.

19 февральнең төп вакыйгалары - фото һәм сылтамалар

Ринат Таҗетдинов "Дуслык ордены" белән бүләкләнде, Кырым татарларының тулы тарихы языла, Казанда Шиһабетдин Мәрҗани каберен зыярәт кылдылар.

Эш эзләүчеләргә "Казан ярминкәсе"ндә 700 эш урыны тәкъдим ителәчәк

20-22 февральдә “Мәгариф. Карьера” күргәзмәсендә “Эш урыннары ярминкәсе” уздырыла.

2017 елда Татарстанда 17 муниципаль архив ремонтланды

Архивларны төзекләндерү мөһим документларның сакланышын тәэмин итә.

Миңнеханов “Бердәм Россия” партиясе Югары Советы Бюросы утырышында катнашты

Халыктан кергән мөрәҗәгатьләр һәм шикаятьләр белән эшләүдә Татарстан проекты — “Халык контроле” билгеләп үтелде.