Мәдәният

Фильмга сюжетны интернеттан таптым – Иран режиссеры Дариуш Наҗафи Голь

Казанда халыкара мөселман кинофестивале дәвам итә.
10.09 09:55

(Казан, 10 сентябрь, «Татар-информ», Рузилә Мөхәммәтова). Казан халыкара мөселман кинофестивалендә катнашкан иран режиссеры Дариуш Наҗафи Голь үзенең диплом фильмы өчен сюжетны интернеттан тапкан.

Режиссер “Родина” кинотеатрында үзенең 19 минутлык “Тавыш” дип аталган кыска метражлы нәфис фильмын тамашачыга тәкъдим иткәч, әлеге фильмның тарихы белән дә таныштырып үтте. “Мин интернеттан иренең гырылдавыннан интеккән бер хатын турында нибары бер җөмлә укыдым һәм аны берәр әсәрдән алынгандыр дип уйлап, чыганагын табарга тырыштым. Әмма ул табылмады. Соңрак сценарий яздым һәм шушы фильм барлыкка килде”, - диде ул.

“Тавыш” – Азәрбәйҗан һәм Иранның фильмы.

Сюжет буенча, карчык гомере буе гырылдаган ирен тыңлап йоклый алмый интегә. Иренең гырлавын хәтта магнитофонга да яздыра. Ә көннәрдән бер көнне ире уянмый. Хәзер инде тол калган хатын тынлыкта яши алмый. Ул иренең магнитофонга яздырылган гырылдаган тавышына йоклап китә...

Быел “Тавыш” Азәрбәйҗанның гаилә фильмнары фестивалендә иң яхшы фильм булып танылган, Иран кинофестивалендә күрсәтелгән. Казаннан соң режиссер Батумига юл ала. 
 

КӨН ҮЗӘГЕНДӘ

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

VI мөселман яшьләре форумы резолюциясез булачак

Сәбәбе - форумның темасына бәйле.

“Татар-информ”да Салават Фәтхетдиновның 30нчы концерт сезоны турында сөйләячәкләр

Матбугат конференциясенә гаммәви мәгълүмат чаралары вәкилләре чакырыла.