Мәдәният

Башкортстанның яшь шагыйрьләре Актаныш фестивалендә катнашты

Татарстанның Актаныш районында беренче тапкыр ике республиканың яшь шагыйрьләре катнашында фестиваль узды.
10.09 09:49

(Казан, 10 сентябрь, "Татар-информ"). Татарстанның Актаныш районында беренче тапкыр ике республиканың яшь шагыйрьләре фестивале булып узды, дип хәбәр итә "Башинформ”.

Башкортстан делегациясен республиканың Язучылар берлеге рәисе урынбасары Рәшит Зайнуллин җитәкли. Татарстан җирендә кунакларны Язучылар берлеге рәисе Данил Салихов каршы ала.

Башкорт, татар, рус һәм казах телләрендә шигырьләр Россиянең һәм Башкортостанның Язучылар берлеге әгъзалары Гөлнара Хәлфетдинова, Руслан Сөләйманов, Кристина Андрианова-Книга, Олеся Ахмадрахимова, шулай ук М. Акмулла исемендәге Башкорт Дәүләт университеты студентлары Артур Габдуллин, Ильяс Сагынбеков, Айбулат Сисанбаев һәм Ислам Төхвәтуллин тарафыннан ирештерелә. Әдәби- музыкаль чыгышны шагыйрәләр Таңчулпан Рәсул һәм курайчы Айдар Байтимеров тәкъдим итте.

Фестиваль кунаклары Актаныш районының Әнәк авылында урнашкан Татарстанның беренче президенты әтисе - Шәрип Шәймиев музей-йортында, Актаныш районы туган якны өйрәнү музеенда булды. Очрашу районның мәдәният йортында әдәби-музыкаль кичә белән төгәлләнә.

Ике республиканың яшь шагыйрьләре очрашуы - Татарстан һәм Башкортостан Язучылар берлегенең уртак идеясе. Максаты - Россия төбәгендәге ике республика яшь талантларын таныштырып, мәдәни элемтәләрне ныгыту. Киләсе елга ул башкорт җирендә узар дип көтелә.
 

КӨН ҮЗӘГЕНДӘ

Шигырьләр турыдан-туры фәрештәләр аркылы языладыр - Рифат Сәлах

Рифат Сәлахның Татарстан китап нәшриятында "Ак фәрештә" дип исемләнгән шигырьләр җыентыгы чыкты.

“Татар кызы-2017”: Татарстан үзенең иң чибәр кызын билгеләде

Әлеге мәдәни чараны Бөтендөнья татар конгрессы Башкарма комитеты уздыра.

Владимир Пучков: Татарстан – тормыш иминлеге мәсьәләсе буенча алдынгы төбәкләрнең берсе

Россия Гадәттән тыш хәлләр министры һәм Татарстан Президенты республика коткаручыларына автомобиль һәм махсус техника ачкычлары тапшырды.

Мәскәүдә “Урман күле” исемле татар яшьләре форумы узачак

“Форумның максаты - яшьләрне татар оешмалары эшчәнлегенә җәлеп итү”, - ди проект авторы Римма Гомәрова.

“Татар-информ” Татарстан Республикасы Дәүләт Советының 31нче утырышын онлайн-трансляцияли

Трансляцияне http://www.tatar-inform.ru/internet-tv/1785/ интернет-сылтамасы аша карап булачак.