Мәдәният

Бүген Казанның Аксенов скверында “Супертатар” халыкара төркеме чыгыш ясый

Казан халыкара мөселман киносы фестивале кысаларында “Кино һәм музыка» дип аталган open air-концерт бара.
10.09 20:09

(Казан, 10 сентябрь, «Татар-информ, Рузилә Мөхәммәтова). Казанның “Мир” кинотеатры артында урнашкан Аксенов скверында “Кино һәм музыка» дип аталган open air-концерт бара. Ул Казан халыкара мөселман киносы фестивале кысаларында оештырылган.

«Кино и музыка» — оригиналь проект, ул быелгы фестивальнең яңалыгы, — ди фестиваль директоры Миләүшә Айтуганова. — Без кино белән кызыксына, саундтреклар чыгара торган музыкантларны һәм музыкаль төркемнәр иҗаты белән кызыксына, сәнгать турында кино төшерә торган кинематографистларны бер мәйданга җыйдык. Башта экранда төркем турында фильм яисә саундтрек күрсәтелә, ә аннары коллектив үзе сәхнәдә чыгыш ясый”.

Музыкаль-кинематографик марафон дүрт сәгатькә исәпләнгән.

Концертта «НеЗаМи» коллективы, композитор Радик Сәлимов һәм аның төркеме, 11 яшьлек ди-джей Gruffalo, сәнгати сызгыру остасы Вильямс Әхмәдуллин, «Action» бию төркеме чыгыш ясый.

Программа «Super Tatar» халыкара проекты чыгышы белән төгәлләнә. Халыкара төркемнең чыгышы алдыннан әлеге проект турында татар режиссеры Илшат Рәхимбайның документаль фильмы күрсәтелә.

Мәгълүмат өчен. «Super Tatar» халыкара проекты Финляндия музыканты Дәниз Бәдретдин идеясе белән төзелгән. Аның составында саксофонист Муса Маликов, скрипкачы Иркә Гайнемөхәммәтова, басист Илнар Фатыйхов һәм барабанчы Тимур Сапаров.
 

КӨН ҮЗӘГЕНДӘ

Соңгы 20 елда татарларның дини кызыксынулары арткан - халыкара конференция нәтиҗәсе

Конференция кысаларында Татарстан, Россия һәм чит төбәкләрдән килгән делегатлар татар халкының милли һәм дини үзенчәлекләре турында фикер алышты.

17 ноябрьнең төп вакыйгалары - фото һәм сылтамалар

Татарстан Президенты Кытайда эш сәфәрендә, Арчада авыл хуҗалыгына багышланган киңәшмә узды, Таһир Якуповка мемориаль такта ачылды.

Хоккейчыларны теләкләре булмауда шелтәли алмыйм – Зиннәтулла Билалетдинов

"Ак Барс" командасы остазы ЦСКА хоккейчыларына каршы уенга үз бәясен бирде.

"Ак Барс" хоккейчылары Мәскәүдә ЦСКА командасына оттырды

Эмиль Гарипов саклаган капкага боз хуҗалары җавапсыз өч алка кертте.

Казанда “Таян Аллага” татар әдәби конкурсы игълан ителде

Конкурсның максаты – татар телен һәм татар мәдәниятен популярлаштыру.