Мәдәният

Оскар Юнысов Камал театрында үзенең яңа альбомын тәкъдим итәчәк

Оscar с7с5 төркеме бары тик татарча гына җырлар башкара.
11.09 09:16

(Казан, 11 сентябрь, «Татар-информ», Рузилә Мөхәммәтова). 21 сентябрьдә Г.Камал исемендәге Татар дәүләт академия театрының Кече сәхнәсендә Oscar c7c5 төркеме икенче "SHILMA" альбомын тәкъдим итәчәк, дип хәбәр итә төркемнең лидеры Оскар Юнысов.

Башлана - 19.00. Билетлар сатуда.

Әлеге альбомның кайбер җырлары Oscar c7c5 төркеме катнашкан төрле мәдәни чараларда яңгыраган иде. Җәй көне, июнь азагында, футболның ярымфинал уеннары алдыннан, Оскар Юнысов һәм төркем музыкантлары Бауман урамында Казан туристлары һәм футбол җанатарлары алдында чыгыш ясаган һәм әлеге чыгышны Оскар яңа альбомын тыңлатып карау дип аңлаткан иде.

Мәгълүмат өчен. Оscar с7с5 төркеменең җырлар авторы һәм солисты Оскар Юнысов – бүгенге татар альтернатив музыкасының алдынгы вәкиле, татар шәһәр музыкасы фанатларын үз тирәсенә җыючы актив музыкант – Башкортстанның Бөре шәһәре егете. Төркемнең музыкантлары – Фәрхәт Сибгатуллин, Айдар Закиров, Альберт Садретдинов һәм Вячеслав Красильников.

Оscar с7с5 төркеме бары тик татарча гына җырлар башкара.

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.