Мәдәният

«Supertatar» халыкара проекты Россия шәһәрләре буйлап гастрольләргә җыена

«Super Tatar» халыкара проекты составында Дәниз Бәдретдин, Муса Маликов, Иркә Гайнемөхәммәтова, Илнар Фатыйхов һәм Тимур Сапаровлар бар.
11.09 09:52

(Казан, 11 сентябрь, «Татар-информ», Рузилә Мөхәммәтова). «Supertatar» халыкара проекты Россия шәһәрләре буйлап гастрольләргә җыена. Проект җитәкчесе, Финляндиядә яшәүче татар музыканты Дәниз Бәдретдин Казан, Уфа, Самара, Түбән Новгородта концертлар булачагын билгеләп узды. “Ә менә Мәскәү белән Санкт-Петербург концертлары буенча әле хәл ителәсе мәсьәләләр бар”, - диде ул.

Дәниз Бәдретдин үзенең яңа гына хаҗдан кайтып төшүен, юл уңаеннан Казанда тукталуын, биредә атна дәвамында төркемнең репетицияләре булачагын, киләсе атнада гастрольләр мәсьәләсенең хәл ителәчәген әйтте.

Музыкантлар әйтүенчә, концертлык программа әзер. Дәниз Бәдретдин төркемнең концертларында яшь музыкантларга үзләрен күрсәтергә мөмкинлек бирергә дә җыена. “Безнең чыгыш алдыннан чыксыннар да, чыгыш ясасыннар”, - диде ул.

Мәгълүмат өчен. «Super Tatar» халыкара проекты Финляндия музыканты Дәниз Бәдретдин идеясе белән төзелгән. Аның составында саксофонист Муса Маликов, скрипкачы Иркә Гайнемөхәммәтова, басист Илнар Фатыйхов һәм барабанчы Тимур Сапаровлар бар.
 

КӨН ҮЗӘГЕНДӘ

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

VI мөселман яшьләре форумы резолюциясез булачак

Сәбәбе - форумның темасына бәйле.

“Татар-информ”да Салават Фәтхетдиновның 30нчы концерт сезоны турында сөйләячәкләр

Матбугат конференциясенә гаммәви мәгълүмат чаралары вәкилләре чакырыла.