Икътисад

Төркиядән томатлар кертү бер айдан рөхсәт ителәчәк

Россия томатлар импортын 2016 елның 1 гынварыннан тыйган иде.
11.09 07:43

(Казан, 11 сентябрь, “Татар-информ”). Төрек томатлары вакытлыча Россия базарына кайтачак. Импортны октябрьдән рөхсәт итеп, 2018 елның язына кадәр 300 мең тонна яшелчә кертелергә мөмкин. Бу хакта “КоммерсантЪ” яза.

Шул ук вакытта, басма мәгълүматлары буенча, Россия Хөкүмәтендә төрек томатларын кертү буенча эмбаргоны кайчан һәм ничек бетерү турында бердәм фикер формалашмаган.

Искәртеп узабыз, Россия томат, суган, кәбестә, кыяр һәм цитруслылар импортын 2016 елның 1 гынварыннан тыйды. Сәбәбе – Төркия чигендә СУ-24 бомбардировщигын бәреп төшерү иде. Шуннан соң бер төркем чикләүләр бетерелә. Әмма томатлар мәсьәләсе чишелешсез кала.

“КоммерсантЪ” мәгълүматлары буенча, 2016 елда Россиядә томатлар куллану 865 мең тоннага калган, ике ел элек исә 1 миллион тонна тирәсе булган. Төрек томатлары үзебездә үстерелгәннәренә караганда 40 сумга арзанрак сатыла ала.
 

КӨН ҮЗӘГЕНДӘ

Яшь тарихчылардан экскурсия: Казанның иң матур мәчетеннән алып Пләтән төрмәсенә кадәр

“Казань глазами инженера” проекты кысаларында Казанның Пләтән бистәсе буйлап экскурсия узды.

Юто Хишияма: Рус теле уңайлырак, дип, татар теленнән баш тарту милләтнең бетүенә китерә

Япон галиме фикеренчә, татар телен кирәкле һәм файдалы итү татарларның үзләреннән тора.

22 сентябрьнең төп вакыйгалары - фото һәм сылтамалар

Р.Миңнеханов Төрекмәнстан Министрлар Кабинеты вәкиле М.Бабаев белән очрашты, синоптиклар кырау төшүе турында кисәтә.

Рамил Курамшин юбилей кичәсе уздыра

Программада халык көйләре, татар композиторлары әсәрләре яңгыраячак.

«Сөембикә» журналы Бөтенроссия бәйгесендә җиңү яулаган

Авыл тормышы «Сөембикә»нең гомер-гомергә төп темаларының берсе булды.