Икътисад

Россиядән чит илгә авиабилетлар 20 процентка арзанайган

Елның беренче яртысында Россиядән чит илгә авиабилетлар, 2016 елның шушы чоры белән чагыштырганда, 15-20 процентка арзанайган.
11.09 12:28

(Казан, 11 сентябрь, "Татар-информ"). Елның беренче яртысында Россиядән чит илгә авиабилетлар,  2016 елның шушы чоры белән чагыштырганда, 15-20 процентка арзанайган. Бу хакта "Туту.ру" сервисы хәбәр итә, дип җиткерә “Российская газета”.

Узган җәйге сезонда да чит илгә очу арзанайган булган. Ул чакта якын һәм ерак чит илләргә авиабилетлар бәясе, 2015 ел белән чагыштырганда, 9,2 һәм 9,7 процентка төшкән булган.

"Туту.ру" экспертлары ачыклаганча, россиялеләр өчен сәяхәттә иң популяр шәһәр 2017 елның гыйнвар-июнь айларында Прага булган. Лидерлар өчлегенә шулай ук Ларнака (Кипр) һәм Мюнхен кергән.

Ватандашларыбыз бик теләп Израильгә, Төркиягә, аерым алганда, Антальяга һәм Истамбулга, Молдавия башкаласы Кишиневка, шулай ук Ереван һәм Тбилисига да оча. Россиягә килгәндә, топ-3леккә Сочи, Симферопольгә очу кергән.

Белгечләр билгеләвенчә, җәй нәтиҗәләренә караганда, быел авиабилетлар саны, 2016 елның июнь-август айлары белән чагыштырганда, 4 процентка кимегән. Алар фикеренчә, бу якын чит ил дәүләтләренә сәяхәтләрнең популярлыгы арту белән бәйле.
 

КӨН ҮЗӘГЕНДӘ

Губкин исемендәге университетта укучы татар студентлары милли мәдәният көнен бәйрәм итте

"Якташ" клубы - уку йортындагы татар студентларын берләштергән уникаль оешма.

"Рубин" Тулада "Арсенал" белән тигез исәпкә уйнады

Казан командасы турнир таблицасының 10 нчы баскычында калды.

18 ноябрьнең төп вакыйгалары - фото һәм сылтамалар

Рөстәм Миңнеханов Кытайга сәфәр кылды, "Ак Барс" яңа уенчы белән килешү төзеде, Минзәлә театрында "Иблис" премьерасында аншлаг көтелә.

Альбина Шаһиморатова әтисенең концертында катнашу өчен Казанга махсус кайтты

С.Сәйдәшев исемендәге Зур концерт залында бүген дөньякүләм танылган опера җырчысы, баянга кушылып, әтисе язган җырны башкара.

Татарстанда томан төшә һәм җепшек кар явуы көтелә

Төнге һава температурсы -5 градуска кадәр төшә.