Рәсми Татарстан

Рөстәм Миңнеханов: Алтай Республикасы илебезнең уникаль төбәге

Рөстәм Миңнеханов һәм Алтай Республикасы башлыгы Александр Бердников “Алтай – Евразиянең йөрәге” истәлек билгесе янында кедр үсентеләре утыртты.
11.09 13:45

(Казан, 11 сентябрь, "Татар-информ"). Татарстан Президенты Рөстәм Миңнеханов бүген Алтай Республикасына сәфәре кысаларында “Алтай – Евразиянең йөрәге” Истәлек билгесен карады. Татарстан Президентын Алтай Республикасы башлыгы Александр Бердников озатып йөрде, дип хәбәр итә Рәсми Татарстан сайты.

Истәлек билгесе Татарстанда әзерләнеп, алтай халкының ирекле рәвештә Россиягә кушылуына 250 ел тулу уңаеннан 2006 елда Республикага бүләк ителгән булган. Проект авторлары - Татарстан Республикасы осталары.

Әлеге билге Алтай Республикасы административ чигендә Катунь елгасы ярында урнаштырылган. Александр Бердников үз чыгышында Рөстәм Миңнехановка сәфәре өчен рәхмәт җиткереп, алга таба Россиянең әйдәп баручы субъектларының берсе булган Татарстан белән хезмәттәшлекне үстерүдә кызыксынуларын белдерде.

Рөстәм Миңнеханов әлеге очрашуның истәлекле вакыйга булуын, Алтайның татарларның борынгы ватаны икәнен, бүгенге көндә уртак тамырлар эзләнүен, археологлар һәм тарихчылар белән уртак проектлар эшләнүен җиткерде. Әлеге очрашу төбәкләрне тагын да якынайтыр, дип өмет белдерде.

Алар бергәләп Истәлек билгесе янында кедр үсентеләре утыртты.
 

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.