Фән һәм мәгариф

Татарстан фәннәр академиясе милли темаларны күтәргән яшьләргә махсус стипендия бирә

Акчалата бүләккә Татарстан тарихы һәм татар халкы мәсьәләләрен тикшерүче студентлар дәгъва итә ала.
11.09 17:02

(Казан, 11 сентябрь, "Татар-информ", Мөршидә Кыямова). Татарстан фәннәр академиясе Татарстан халкы тарихы һәм татар халкы мәсьәләләрен тикшерүче, милли темаларны яктыртучы студентлар өчен  махсус стипендиягә конкурс  оештыра. Бу хакта “Татар-информ” мәгълүмат агентлыгына Татарстан фәннәр академиясенең матбугат үзәге хезмәткәре Эльвира Моратова хәбәр итте.

“Талантлы яшьләрне фәнгә тарту максатыннан гамәлгә ашырылган махсус стипендиягә, үз хезмәтләрендә этник һәм дини каршылыкларны табу һәм чишү юлларын күрсәткән студентлар да дәгъва итә ала, - ди Эльвира Моратова. - Академия тарафыннан тәгаенләнгән стипендияне төрле өлкәләрдә тырышлык күрсәткәннәр дә лаек була ала. Татарстан фәннәр академиясендә мондый проект 1998 елдан бирле тормышка ашырылып килә. Конкурста Казан федераль университеты, Казан милли-тикшеренү техник университеты (КНИТУ) һ.б. югары уку йортлары студентлары актив катнаша”.

Исегезгә төшереп узабыз: Татарстан фәннәр академиясе тарафыннан 2017-2018 уку елының көз-кыш семестрына югары уку йортлары студентлары өчен бәйге игълан ителде. Фәннәр академиясе югары уку йортларында белем алучы,талантлы яшьләрне фәнгә тарту максатыннан оештырылган махсус стипедиянең күләме семестрга 15 мең сум һәм иң яхшы 15 студентка бирелә.

 

КӨН ҮЗӘГЕНДӘ

Камил хәзрәт Сәмигуллин: Ш.Мәрҗани - дөньякүләм абруй казанган шәхес

Татар дин галименең хезмәтләре бүген дә Әл-Әзһәр университетында өйрәнелә, - ди ислам дине лидеры.

“Татарча диктант”та иң еш очраган хаталар билгеле булды

Диктанттагы хаталардан чыгып, аны язучының кайсы төбәктә яшәвен әйтеп була, ди оештыручылар.

Болгар ислам академиясендә беренче Халыкара Болгар укулары узачак

Чара нәтиҗәләре буенча конференция материаллары җыентыгын нәшер итү күздә тотыла.

580 кеше “Татарча диктант”ны “5”легә язган

“Татарча диктант” язуда 2 меңгә якын кеше катнашкан.

Рөстәм Миңнеханов Гайдар форумында Татарстандагы медицина турында сөйләде

Татарстанда медицина ярдәме күрсәтү буенча югары технологияле үзәкләргә аеруча игътибар бирелә.