Татар дөньясы

Екатеринбург шәһәре "Туган тел" клубына йөрүче татар яшьләре иске имланы өйрәнде

"Ул безнең 1000 елдан артык булган тарихыбыз, аны кайтарырга кирәк", – ди Салават Сөрмәтов.
11.09 18:47

(Казан, 11 сентябрь, “Татар-информ”, Алмаз Шиһабетдинов). Екатеринбург шәһәре “Туган тел” клубына йөрүче татар яшьләре иске имланы өйрәнде. “Бу безнең 1000 елдан артык булган тарихыбыз, аны кайтарырга кирәк”, – дип сөйләде “Татар-информ” хәбәрчесенә “Туган тел” клубын оештыручы Салават Сөрмәтов.

“Бездә татар телендә аралашу бик сирәк. Шуңа мин бу клубны оештырдым. Без тарихи шәхесләр, милләт, гореф-гадәт һәм телгә кагылышлы темалар буенча аралашабыз. Бу юлы татарлар тарихында аерым урын алып торган иске имланы өйрәндек”, – дип сөйләде “Туган тел” татарча аралашу клубын оештыручы Салават Сөрмәтов.

Иске имланы үзләштерү бер дәрес кебек кенә калмаган. Алар аның белән аралашуны хәзер дә дәвам итә. “Иске имланы үзләштерергә 11 кеше килде. Барысына да бик ошады, кызыклы булды. Иске имла белән телефон аша да аралашабыз. Моның өчен фарсы алфавитын урнаштырдык. Мин үзем иске имланы бик үк әйбәт белеп бетермим. Безгә бу эштә Ризаэтдин Күчүкбай булышты. Ул Мөхәммәдия мәдрәсәсендә белем ала”, – диде Салават.

“Туган тел”дә татарлар төрле темаларга аралашу, яңа әйбер үзләштерүдән тыш төрле өстәл уеннарын да уйный. Сүз уңаеннан, Салават Сөрмәтов татар өстәл уеннарын уйлап табучы буларак билгеле шәхес. Узган ел ул “Игезәкләр” уеннын Бөтендөнья татар яшьләре форумында тәкъдим иткән иде. Быел “Милли хәзинә” уены өстендә эшләде. “Милли хәзинә”нең билгеле бер уйнау шартлары юк, чөнки бу карталар ярдәмендә 10нан артык уен уйнап була. Уен карталарына татар халкы белән бәйле сурәтләр төшерелгән.

Татарлар “Туган тел” клубына атна саен җыела. Үзенең оешуыннан бирле “Туган тел” Екатеринбург шәһәренең яшьләрен берләштерүче, татар телендә аралаштыручы иң нәтиҗәле клуб булып санала.

КӨН ҮЗӘГЕНДӘ

Быел КФУ да "Татар теле, әдәбият, журналистика" программасы буенча 16 бюджет урыны булачак

“Бюджет урыннары шактый: педагогик белем бирү бүлегендә - 25, филологиядә 16 бюджет урыны булачак”, - диде Әлфия Йосыпова.

«Татар-информ» Ринат Таҗетдиновның юбилей кичәсен онлайн күрсәтә

Тантаналы кичә программасында - спектакльләрдән өзекләр һәм актерның иҗатташ дусларыннан котлаулар.

Галим Гомәр Саттаров телне саклауда кеше исемнәре зур әһәмияткә ия, дип саный

Исем сайлау - катлаулы һәм җаваплы эш, һәм исем җисеменә туры килергә тиеш, ди Казан ономастика мәктәбенә нигез салган галим.

“Мәрхәмәтлелек кәрзине” марафонында катнашучы районнар билгеле

Болар – Татарстанның биш муниципаль берәмлеге: Әлки, Яшел Үзән, Балык Бистәсе, Кайбыч һәм Биектау районнары.

Татарстанның аз керемле 2 мең пенсионеры бушлай азык-төлек алачак

Пенсионерларга тиз искерми торган он, шикәр комы, үсемлек мае, чәй, консерва кебек ризыклар таратыла.