Спорт

Азнакайлылар ГТО нормаларын тапшыра

Бүгенге көнгә Азнакайда ГТО нормаларын 4 меңнән артык кеше тапшырган. Аларның 1000е – өлкән яшьтәгеләр.
12.09 07:00

(Азнакай, 12 сентябрь, "Татар-информ", “Маяк”). Россиядәге ГТО нормаларын тапшыручылардан азнакайлылар да калышмый. Районның оешма-предприятиеләрендә хезмәт куючылар да гер күтәрү, ату, йөзү, йөгерү һәм спортның башка төрләре буенча үзләренең көчләрен сынап карый алдылар, дип яза җирле басма.

Шунысы куанычлы, инде яшьләре алтмыштан узучы апа-абыйлар да яшьләрдән калышмады. Бүгенге көнгә Азнакайда ГТО нормаларын 4 меңнән артык кеше тапшырган. Аларның 1000е – өлкән яшьтәгеләр

– Мәктәп елларында ГТО нормаларын тапшырганнар бүгенгедәй истә. Ул вакытта сыйныфташлар белән үзара ярыша-ярыша норма үти идек. Күкрәк билгеләрен әле дә кадерләп саклыйм, – ди боз сараенда шәфкать туташы булып эшләүче Рәмилә апа Даутова. – Бүген дә “алтынга” ук барып җитмәсәк тә, үз яшебезгә күрә бик яхшы күрсәткечләргә ирештек.

68 яшьлек Фәния апа да яшьләрдән калышмады. Турникта 20 тапкыр күтәрелеп, 30 яшьлекләр нормасын үтәде.

– Әлегә кадәр йөгерү, чаңгыда йөрүне ташлаган булмады, – ди ул.Әлбәттә, яшьләребез дә сер бирердәй түгелләр. Лилия Гомәрова әнә идәннән күтәрелү буенча “алтын” нормасын тапшырды.

– Мәктәп елларыннан ук спорт белән шөгыльләнеп үскәч, бер авырлыгы да юк, – ди ул.

 

КӨН ҮЗӘГЕНДӘ

19 июньнең төп вакыйгалары - фото һәм сылтамалар

FISU Рөстәм Миңнехановны Жан Птижан медале белән бүләкләде, “Ана теле” предметы мәҗбүри укыту планында кала, диде Вячеслав Никонов.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Дума милли телләр турында закон проектын беренче укылышта төзәтмәләр белән кабул итте

Закон проекты буенча фикер алышу бер сәгатьтән артык дәвам итте һәм депутатлар күп төзәтмәләр кертте.

Вячеслав Никонов: “Ана теле” предметы мәҗбүри укыту планында кала

Милли телләрне ихтыяри укыту турындагы закон проекты ана телен укыту сәгатьләрен кыскартуны күз алдында тотмый, диде Россия Дәүләт Думасы депутаты.

Солнечногорскида яңа мәчет ачылды

Мәчет ачылышында Россия мөселманнарының Диния нәзарәте һәм Россия Мөфтиләр шурасы башлыгы, мөфти шәйх Равил Гайнетдин чыгыш ясаган.