Авыл

Баулы районы игенчеләре каршында артистлар чыгыш ясый

Ел саен Муса Җәлил исемендәге мәдәният йорты артистлары Фәнүзә Айдагулова җитәкчелегендә басуларда урып-җыю эшләре барышында концертлар оештыра.
12.09 01:00

(Баулы, 12 сентябрь, "Татар-информ", "Хезмәткә дан", Индира Сәйфуллина). Баулы районы игенчеләре каршында артистлар чыгыш ясады, дип яза җирле басма.

Ел саен Муса Җәлил исемендәге мәдәният йорты артистлары Фәнүзә Айдагулова җитәкчелегендә басуларда урып-җыю эшләре барышында концертлар оештыра. Быел да агитбригада “Икмәк булса, җыр туа” дип исемләнгән кечкенә генә концерт программасы белән кырда эшләүчеләр алдында чыгыш ясый.

Артистлар ике тапкыр Кызылъяр хуҗалыгында, Бакалы кырларында һәм Николашкинода игенчеләренә рухи азык бирделәр.

– Безнең һәр килүебезне сагынып көтеп алалар, без чыгыш ясаган арада кырда эшләүче игенчеләр рәхәтләнеп ял итәләр, – ди Фәнүзә Айдагулова.– Яратмаслык та түгел, “Чишмә” ансамбле, җырчыларыбыз Гүзәл Юсыпова, Рәзинә Җәләева, Руслан Сәитов һәм Гөлнара Абдуллина, яшь баянчыбыз Рәзил Фәррәхетдинов - аларны райондашларыбыз беләләр, һәрберсенең чыгышын яраталар. Тик кырда кызу эш вакыты, концертны да тиз генә күрсәтергә туры килә.

 

Әле урып-җыю эше дәвам итә, артистлар үзләренең чыгышлары белән барлык хуҗалыкларда да йөреп чыгачак.

 

 

КӨН ҮЗӘГЕНДӘ

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

VI мөселман яшьләре форумы резолюциясез булачак

Сәбәбе - форумның темасына бәйле.

“Татар-информ”да Салават Фәтхетдиновның 30нчы концерт сезоны турында сөйләячәкләр

Матбугат конференциясенә гаммәви мәгълүмат чаралары вәкилләре чакырыла.