Авыл

Кайбыч районы хуҗалыкларында шикәр чөгендере алуга керештеләр

Биредә ул 995 гектар мәйданны били.
12.09 02:00

(Кайбыч, 12 сентябрь, "Татар-информ", "Кайбыч таңнары", Мингазиз Сөнгатуллин). Кайбыч районы хуҗалыкларында шикәр чөгендере алуга керештеләр, дип яза җирле басма. 

Басу-кырларда ашлык урып-җыю комбайннары гөрелтесе тынарга өлгермәде, районыбыз шикәр чөгендере игүчеләре дә уңыш җыюга кереште. Быел район буенча барлыгы 2985 гектар мәйданда татлы тамыр игелгән.

“Дубрава” җәмгыятенең беренче филиалында татлы тамыр алуга 10 сентябрьдә керештеләр. Биредә ул 995 гектар мәйданны били. Филиалның Федоровское авылы янындагы басуында бүгенге көндә Германиядә эшләнгән биш “ROPA” чөгендер алу комбайны эшли.

- Чөгендер алу комбайнында мин өченче сезон эшлим, ә җизнәм Рафил белән ике ел бер комбайнда алмашлап эшлибез. Узган ел да Кайбычның чөгендер басуларын иңләгән идек. Һава шартлары коры булганда бу комбайн тәүлегенә 25-30 гектар мәйданда чөгендер алырга сәләтле. Хәзерге һава шартларында эш бераз сүлпәнрәк бара, чөнки комбайн агрегатларына балчык тыгыла, аларны чистарту вакытны ала. Эш барышында техниканың элек тә сынатканы булмады, хәзер дә сынатмас дип уйлыйм. Чөнки эш башлаганчы без аны җентекләп ремонтлап чыктык. Эш күләме җитәрлек, шуңа күрә безнең өчен һәр минут кадерле, - дип эш барышы белән таныштырды Апас районының Сатмыш авылы егете Дамир Сафин.
Район авыл хуҗалыгы һәм азык-төлек идарәсеннән алынган оператив мәгълүматлардан күренгәнчә, 11 сентябрьгә биредә барлыгы 20 гектар мәйданда шикәр чөгендере алынган, уңдырышлылык – 350 центнер тәшкил итә. Хәзерге вакытта алынган чималны кагатларга салып баралар, соңыннан Буа шикәр заводына озаталар.

 

 

КӨН ҮЗӘГЕНДӘ

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

VI мөселман яшьләре форумы резолюциясез булачак

Сәбәбе - форумның темасына бәйле.

“Татар-информ”да Салават Фәтхетдиновның 30нчы концерт сезоны турында сөйләячәкләр

Матбугат конференциясенә гаммәви мәгълүмат чаралары вәкилләре чакырыла.