Мәдәният

Казан кинофестивале турында бөтен Төркия матбугаты язачак – Турхан Дилмач

Кичә Казан халыкара мөселман киносы фестивале ябылу тантанасы М.Җәлил исемендәге опера һәм балет театры бинасында узды.
12.09 09:43

(Казан, 12 сентябрь, “Татар-информ”, Рузилә Мөхәммәтова). Казан кинофестивале турында иртәгә бөтен Төркия матбугаты язачак - кичә Казан халыкара мөселман киносы фестивале Төркия фильмының җиңүе белән тәмамлангач, Төркия Республикасының Казандагы генераль консулы Турхан Дилмач “Татар-информ” хәбәрчесенә шулай диде.

Ул фильмның Кара диңгез буйларында төшерелүен, бу фильмны үзенең дә яратып каравын әйтте.“Казан халыкара мөселман киносы фестивале турында Төркиядә беләләр. Бу җиңүдән соң тагын да күбрәк кызыксыначаклар”, - дип өстәде Турхан Дилмач.

Искәртеп узабыз: кичә Казан халыкара мөселман киносы фестивале ябылу тантанасы М.Җәлил исемендәге опера һәм балет театры бинасында узды. Казан кинофестиваленең тулы метражлы иң яхшы фильмын жюри рәисе Николай Досталь игълан итте.

Ул әлеге мәртәбәле номинация җиңүче дип бертавыштан Төркия һәм Венгриянең уртак хезмәте булган “Каландар салкыны” фильмы сайлануын әйтте. Фильмның режиссеры Мостафа Кара үзе килмәгән иде. Призны аның дусты алды. Ул тамашачының фильмны аншлаг белән яратып каравына сокланды.

Фильмда Кара диңгез буендагы таулы авылда яшәүче Мехмет турында сүз бара. Гап-гади вакыйгалар аша кешенең тормыш өчен көрәше сурәтләнә.
 

КӨН ҮЗӘГЕНДӘ

Апанай мәчетендә Мәүлид мәҗлесе уздырыла

27 ноябрьдә үтәчәк дини бәйрәмдә Коръән (Мәүлид) укылачак, вәгазьләр сөйләнәчәк.

Шагыйрь Ленар Шәех ”OEBF-2017” Евразия китап форумында җиңү яулаган

Әдәби фестиваль Нобельнең туган ягы – Швециянең Стоһгольм шәһәрендә уздырылган.

Васил Шәйхразиев Ханты-Манси автоном округына эшлекле сәфәргә чыга

Бөтендөнья татар конгрессының Милли Шура рәисе Стрежевой шәһәрендә “Әл-Хәят” мәчетен ачуда катнашачак.

Егетләрнең уеныннан канәгать калдым – Зиннәтулла Билалетдинов

"Ак Барс" хоккей командасы баш тренеры "Салават Юлаев"ка каршы уенга үз бәясен бирде.

Киләчәктә Казанда Татар хатын-кызлары музее ачылырга мөмкин

Татар мөслимәләре корылтаеның 100 еллыгына күргәзмә ачылды.