Спорт

«Ак Барс» хоккейчылары Казанда «Спартак» командасы белән уйный

Мәскәү командасын заманында «Ак Барс»та уйнаган Вадим Епанчинцев җитәкли.
12.09 10:18
(Казан, 12 сентябрь, «Татар-информ», Фәрит Салихов). Бүген – 12 сентябрьдә Казанның «Ак Барс» хоккейчылары Континенталь хоккей лигасының даими чемпионаты кысаларында Мәскәүнең «Спартак» командасы белән көч сынаша.
 
Әлеге ике команданың ил чемпионатында үзара 55 мәртәбә очрашканы бар: 31 матчта – «Ак Барс», 22 уенда – «Спартак» хоккейчылары җиңүгә ирешкән. Моннан тыш 2 очрашуда җиңүче ачыкланмаган. Узган сезонда командалар үз бозларында җиңү яулады: Казандагы уен «Ак Барс» файдасына – 3:2 исәбенә төгәлләнсә, Мәскәүдә «Спартак» уңышка иреште (1:0).
 
«Спартак» соңгы елларда зур уңышлар белән мактана алмый. Соңгы тапкыр команда плей-оффта 2011 елда ук катнашкан инде. Узган сезонны, мәсәлән, «Спартак» 26 нчы урында төгәлләде.
 
Быелгы сезон алдыннан Мәскәү командасына баш тренер итеп 2003-2005 елларда «Ак Барс»та уйнаган Вадим Епанчинцев билгеләнде. 41 яшьлек остаз алдына команданы плей-оффка чыгару бурычы куелды. Әлегә 8 матчта 8 очко туплаган «Спартак» Көнбатыш конференциядә 10 нчы урында урнашты. Ә «Ак Барс» исәбендә 7 уенда тупланган 15 очко бар. Команда Көнчыгыш конференциядә 4 нче урында бара.
 
«Татнефть Арена» боз сараендагы бүгенге матч 19.30 сәгатьтә башлана.

КӨН ҮЗӘГЕНДӘ

Арчада "Мәүлид әл-Мәрҗани" традициясен яңарттылар

Шиһаб хәзрәт традицияләре, ул башкарган эшләр Арча шәһәрендә хәзер дә дәвам итә.

Питрәч районы башлыгы итеп Илһам Кашапов билгеләнергә мөмкин

Татарстан Премьер-министры Алексей Песошин җирле совет депутатларына әлеге кандидатураны район башлыгы вазифасына тәкъдим итте.

Мәрҗани милли тарих турында татарча язган беренче галим

“Мөстәфадел-әхбар фи әхвали Казан вә Болгар” хезмәтендә Мәрҗани Идел Болгарстанының оешуы, халкы турында бәян итә.

Актанышлар Казанда Әлфия Авзалованы искә алу кичәсе үткәрә

"Татар-информ" легендар татар җырчысы Әлфия Авзалованың тууына 85 ел тулуга багышланган концертны онлайн күрсәтә.

Дмитрий Медведев «Цифрлы икътисад» программасы буенча актив эш алып барылуын җиткерде

Рөстәм Миңнеханов «Россия һәм дөнья: максатлар һәм кыйммәтләр» Гайдар форумының пленар дискуссиясендә катнашты