Мәдәният

Казанда халык мультфильмын төшерүдә актив катнашкан балаларны котладылар

Татарстанда 30 мең баланың рәсемнәре файдаланылган "Татарстан гасыры" анимацион мәгариф проекты тормышка ашырылды.
12.09 11:19

(Казан, 12 сентябрь, "Татар-информ", Рузилә Мөхәммәтова). Татарстан Мәдәният министрлыгында "Татармультфильм" берләшмәсенең "Татарстан гасыры" проектын тәкъдим итү һәм аның авторлары булган балаларны бүләкләү тантанасы бара.

 Татарстанның 43 районыннан килгән балаларны Татарстан мәдәният министры урынбасары Гүзәл Шәрипова, Татарстан Республикасы Министрлар Кабинеты белгече, шагыйрь Рүзәл Мөхәммәтшин котлады.

"Сезнең кебек чакта район газетасында шигыребез чыкса да, башыбыз күккә тия иде, ә сез шундый зур мәгънәгә ия зур проектта катнаштыгыз, - дип котлады Рүзәл Мөхәммәтшин яшь иҗатчыларны. - Сезнең арада булачак Габдулла Тукайлар, Мөдәррис Әгъламнар, Бакый Урманчелар, Харис Якуповлар бардыр".

"Бөтен Татарстан балалары белән бергә халык мультфильмы ясау теләге күптән бар иде. Без, ниһаять, бу теләгебезне тормышка ашыра алдык", - дип шатлыгын уртаклашты "Татармультфильм" берләшмәсе җитәкчесе Азат Ганиев.

Проектның режиссеры Сергей Киатров "Татарстан гасыры" мультфильмының дәвамы булуы мөмкинлеген дә әйтте.

Мәгълүмат өчен: Татарстанда 30 мең баланың рәсемнәре файдаланылган "Татарстан гасыры" анимацион мәгариф проекты тормышка ашырылды. "Татарстан гасыры" ("Век Татарстана") проекты “Иҗат итүдә балалар иң күп катнашкан мультфильм” формулировкасы белән Россиянең Рекордлар китабына кертелгән.

“Татарстан гасыры” («Век Татарстана») - халык мультфильмы. Проект ТАССРның 100 еллыгы уңаеннан гамәлгә ашырылган. Мультфильмны иҗат итүдә 7-13 яшьлек 30 мең баланың 30 меңнән артык рәсеме һәм 500 шигыре файдаланылган.









 

 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.