Җәмгыять

Татарстан җылыту сезонына тулысынча диярлек әзер

Төзелеш, архитектура һәм торак-коммуналь хуҗалыгы министрлыгы мәгълүматлары буенча, 11 мең 262 җылыту системасы әзер.
12.09 13:33

(Казан, 12 сентябрь, "Татар-информ"). Казанда 15 сентябрьгә калган 72 торак йортта һәм 43 социаль объектта опрессовка эшләре тәмамланып килә. Белгечләр җылыту сезонына әзерлекне 99 процент белән бәяли.

Беренче чиратта җылылык балалар бакчаларына, йортларга, интернат һәм мәктәпләргә, балалар тудыру йортларына һәм стационарларга биреләчәк. Шәһәр шулай ук, кирәк булган очракта, җылылык системасын алдан эшләтеп җибәрүгә әзер.

Социаль мәдәни өлкәдә көзге-кышкы чорда сәламәтлек саклау объектларының - 96,7 проценты, мәгариф учреждениеләренең - 98,5 проценты, мәдәният объектларының  - 95,9 проценты, спорт оешмаларының - 96,3 проценты, шулай ук социаль яклау һәм эш белән тәэмин итү үзәкләренең 98,7 проценты җылытуга әзер.

Искәртеп үтик, узган атнада Төзелеш, архитектура һәм торак-коммуналь хуҗалыгы министрлыгының торак-коммуналь хуҗалыгы идарәсе җитәкчесе Илдус Насыйров өйләргә җылылыкны октябрьнең беренче декадасында, республикада температура биш тәүлек буе уртача 8 градус җылылкта торганда бирәчәкләрен җиткергән иде.
 

КӨН ҮЗӘГЕНДӘ

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

VI мөселман яшьләре форумы резолюциясез булачак

Сәбәбе - форумның темасына бәйле.

“Татар-информ”да Салават Фәтхетдиновның 30нчы концерт сезоны турында сөйләячәкләр

Матбугат конференциясенә гаммәви мәгълүмат чаралары вәкилләре чакырыла.