Авыл

Татарстанда авыл хуҗалыгы ярминкәләре эшли башлый

Казанда - ун, Чаллыда өч мәйданда авыл хуҗалыгы ярминкәләре эшләячәк.
12.09 15:14

(Казан, 12 сентябрь, "Татар-информ", Надежда Гордеева). 16 сентябрьдән Татарстанда авыл хуҗалыгы ярминкәләре эшли башлый. Бу хакта бүген киңәшмәдә Татарстан авыл хуҗалыгы һәм азык-төлек министрының беренче урынбасары Николай Титов җиткерде.

Киңәшмәне ачып, Татарстан авыл хуҗалыгы һәм азык-төлек министры Марат Әхмәтов Татарстанда авыл хуҗалыгы ярминкәләренең инде традициягә керүен һәм быел да алар өчен мәйданнар әзер булуын җиткерде.

Казанда ярминкә ун мәйданда эшләячәк. Аерым алганда, алар “Казан” агропромпаркында, “Бәхетле” гипермаркетлары янында (Ямашев ур., 71а һәм Ленинградская ур., 27), Липатов урамы, 7нче йорт янында, “Җиләк бистәсе” сәүдә үзәге янында, Чехов базары артында, Мәскәү базарында, "Чулпан” мәдәни үзәге янында, Тимер юлчылар мәдәният йорты янында, шулай ук “Яңа Тура” технополисында оештырыла.

Чаллыда  авыл хуҗалыгы ярминкәләре өч мәйданда эшләячәк. Биредә Комсомол районында яңа мәйдан булдырылган – быел ярминкә Габдулла Тукай урамы, 16нчы йорт янында уза. Тагын бер мәйданда - Г. Камал исемендәге бульварда үтәчәк. Биредә  шәһәр халкына авыл хуҗалыгы продукциясен Азнакай, Мөслим районнары тәкъдим итәчәк, дип җиткерде Титов.

Ярминкәләрдә ветеринария хезмәте белгечләре күзәтчелек итәчәк.

 

КӨН ҮЗӘГЕНДӘ

Шигырьләр турыдан-туры фәрештәләр аркылы языладыр - Рифат Сәлах

Рифат Сәлахның Татарстан китап нәшриятында "Ак фәрештә" дип исемләнгән шигырьләр җыентыгы чыкты.

Мәскәүдә “Урман күле” исемле татар яшьләре форумы узачак

“Форумның максаты - яшьләрне татар оешмалары эшчәнлегенә җәлеп итү”, - ди проект авторы Римма Гомәрова.

“Татар-информ” Татарстан Республикасы Дәүләт Советының 31нче утырышын онлайн-трансляцияли

Трансляцияне http://www.tatar-inform.ru/internet-tv/1785/ интернет-сылтамасы аша карап булачак.

“Татар кызы” бәйгесе киләчәктә зур шоу булачак – Тәбрис Яруллин

Кичә Г.Тукай исемендәге Татар дәүләт филармониясенең концертлар залында “Татар кызы-2017” халыкара бәйгесенең Татарстан финалы үтте.

Разил Вәлиев: “Әлиф” спектале яшьләр иҗатын халыкка якынайта

Татарстанның халык шагыйре “Әлиф” хореографик спектакле турында үз фикерен белдерде.