Авыл, Хәвеф-хәтәр

Алабуга районында котырган төлке бер этне тешләгән

Мурзиха авылында 5 августта котыру авыруына каршы карантин кертелгән иде.
12.09 16:11

(Алабуга, 12 сентябрь, "Татар-информ", Гөлнара Салихова). Алабуга районында котыру авыруы билгеләре булган эт табылган. Әлеге чир йорт сакчысына котырган төлке аша күчкән булуы мөмкин. Бу фикерне лаборатор тикшеренүләр раслаган. Әлеге мәгълүматны бүген "Татар-информ"га Алабуга ветеринария берләшмәсе башлыгы Рафаил Хәйриев хәбәр итте.

Алабуга районы Мурзиха авылында 28 июльдә котырган төлке үтерелгән иде. Шуннан соң 5 августта, Татарстан Президенты карары белән, әлеге җирлектә хайваннарга карата котыру авыруына каршы карантин кертелде. Ә менә 8 сентябрьдә кабат котыру авырулы эт табылган.

"Эткә чирен күчергән төлке әле тотылмаган, димәк, башка хайваннарга да йоктыру куркынычы бар. Бүген Мурзиха авылында карантин чаралары үткәрелә: һәр хуҗалыкта, эт белән песидән башлап эре мөгезле терлеккә кадәр, барлык хайван тикшерелә. Аларга котыруга каршы вакцина ясала", – дип сөйләде Рафаил Хәйриев.

Алабуга ветеринарлары, хайван тешләгән очракта, кичекмәстән ветеринарларга, шулай ук табибларга мөрәҗәгать итүне сорый. Бу чараларны котыру авыруын йоктырмас өчен күрү мөһим.
 

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.