Мәдәният

Германиядә яшәгән татар журналисты Нәсүр Юрушбаев туган авылында кино төшерә башлый

Режиссер фильмын үз туган нигезендә - Пермь якларында төшерәчәк.
12.09 16:47

(Казан, 12 сентябрь, «Татар-информ», Рузилә Мөхәммәтова). Журналист Нәсүр Юрушбаев продюсер Рөстәм Сәрвәров белән бергә “Нигез-йорт” исемле кыска метражлы нәфис фильм төшерергә җыена. Әлеге проект өчен Нәсүр Юрушбаев Татарстан Республикасы Мәдәният министрлыгының 1 миллион сум грантын откан.

“Фильмны үз туган нигеземдә төшерергә җыенам, - ди озак еллар Германиядә яшәгән татар журналисты Нәсүр Юрушбаев. - Мин бит үз туган авылыма кайтып, әти-әни йортын кабат сатып алдым. Авылым Уралда минем, шунда - Пермь краеның Барда районына кайтып урнаштым”.

“Авылында рәхәтләнеп яшәгән Сания әби янына Владивостоктан кызы кайтып, йортны сатып, әбине Картлар йортына урнаштырып китә. Әби кайгыда. Тәрәзәдән карап утыра. Ә тәрәзәдән аның йорт түбәсе күренеп тора. Шул вакытта шушы якларга Себердән Җәмил бабай кайта. Кесәсе тулы акча...” – дип, булачак фильмның сюжетның бер өлешен дә сөйләде Нәсүр Юрушбаев.

Сценарий Галимҗан Гыйльманов хикәясе буенча язылган. Фильм 30 минутка планлаштырылган. Тиздән фильмның кастинглары булачак.
 

КӨН ҮЗӘГЕНДӘ

Яшь тарихчылардан экскурсия: Казанның иң матур мәчетеннән алып Пләтән төрмәсенә кадәр

“Казань глазами инженера” проекты кысаларында Казанның Пләтән бистәсе буйлап экскурсия узды.

Юто Хишияма: Рус теле уңайлырак, дип, татар теленнән баш тарту милләтнең бетүенә китерә

Япон галиме фикеренчә, татар телен кирәкле һәм файдалы итү татарларның үзләреннән тора.

22 сентябрьнең төп вакыйгалары - фото һәм сылтамалар

Р.Миңнеханов Төрекмәнстан Министрлар Кабинеты вәкиле М.Бабаев белән очрашты, синоптиклар кырау төшүе турында кисәтә.

Рамил Курамшин юбилей кичәсе уздыра

Программада халык көйләре, татар композиторлары әсәрләре яңгыраячак.

«Сөембикә» журналы Бөтенроссия бәйгесендә җиңү яулаган

Авыл тормышы «Сөембикә»нең гомер-гомергә төп темаларының берсе булды.