Мәдәният

Дәүләт акчасына төшерелгән фильм үзен акларга тиеш – Рөстәм Сәрвәров

Рөстәм Сәрвәров - Татарстан Республикасы Мәдәният министры грантына төшерелә торган “Нигез-йорт” кыска метражлы нәфис фильмның продюсеры.
12.09 17:56

(Казан, 12 сентябрь, «Татар-информ», Рузилә Мөхәммәтова). Танылган продюсер Рөстәм Сәрвәров үз-үзен аклый торган татар киносының нинди булырга тиешлеген һәм ул фильмны сату җаен белә.

“Татарстанда кинобум бара. Кеше үз акчасына да кино төшерергә тырыша, - диде Казан халыкара мөселман кинофестиваленнән соң “Татар-информ” хәбәрчесенә Рөстәм Сәрвәров. – Фильм грант хисабына төшерелсә, ул акчаны аклау тәртибе дә кертелсен иде. Аклый алмый икән – режиссер белән продюсер үз кесәсеннән түләсен! Менә ул чакта кеше уйланыр иде – кеше акча түләп карарлык киноны төшерә аламы ул?!”

Искәртеп узабыз, Рөстәм Сәрвәров Татарстан Республикасы Мәдәният министры грантына төшерелә торган “Нигез-йорт” кыска метражлы нәфис фильмның продюсеры. Режиссеры һәм сценарий авторы – Нәсүр Юрушбаев.

“Без алган грантны аклый алачакбыз. Әмма аның өчен кеше фильмның  эчтәлеген һәм бөтен нечкәлекләрен алдан белеп торырга тиеш түгел. Фильм сюрприз да булырга тиеш, - ди продюсер. - Кыска метражлы фильмны тәкъдим итүнең дә үз җае бар. Ә Сәрвәров җаен белә ул!”

Рөстәм Сәрвәров Казан кинофестиваленең бик уңышлы проект булуын ассызыклап узды, Татарстан Хөкүмәтенә рәхмәтләрен җиткерде. “Мәскәү күзлегеннән караганда без фестивальне бик көлке бәяләргә үткәрәбез. Ә акчасын арттырырга да арттырырга!” – диде ул.
 

КӨН ҮЗӘГЕНДӘ

Быел КФУ да "Татар теле, әдәбият, журналистика" программасы буенча 16 бюджет урыны булачак

“Бюджет урыннары шактый: педагогик белем бирү бүлегендә - 25, филологиядә 16 бюджет урыны булачак”, - диде Әлфия Йосыпова.

«Татар-информ» Ринат Таҗетдиновның юбилей кичәсен онлайн күрсәтә

Тантаналы кичә программасында - спектакльләрдән өзекләр һәм актерның иҗатташ дусларыннан котлаулар.

Галим Гомәр Саттаров телне саклауда кеше исемнәре зур әһәмияткә ия, дип саный

Исем сайлау - катлаулы һәм җаваплы эш, һәм исем җисеменә туры килергә тиеш, ди Казан ономастика мәктәбенә нигез салган галим.

“Мәрхәмәтлелек кәрзине” марафонында катнашучы районнар билгеле

Болар – Татарстанның биш муниципаль берәмлеге: Әлки, Яшел Үзән, Балык Бистәсе, Кайбыч һәм Биектау районнары.

Татарстанның аз керемле 2 мең пенсионеры бушлай азык-төлек алачак

Пенсионерларга тиз искерми торган он, шикәр комы, үсемлек мае, чәй, консерва кебек ризыклар таратыла.