Җәмгыять

"Россия почтасы" супермаркетларда 50 бүлекчә ачачак

Мондый мини-офислар илнең башкаласында гына түгел, Мәскәү өлкәсендә дә барлыкка киләчәк.
12.09 21:36

(Казан, 12 сентябрь, "Татар-информ"). "Россия почтасы" 2017 ел азагына кадәр "Пятерочка" супермаркетлар челтәрендә 50 бүлекчә ачачак. Бу хакта компаниянең генераль директоры Николай Подгузов “Известия” газетасына җиткергән.

Подгузов сүзләренә караганда, мини-почта элемтәсе бүлекчәләре эксперимент кысаларында ачылачак. Моннан тыш, компания товарлар һәм ритейлерны (ваклап сату оешмасы) үз бүлекчәләрендә урнаштыру вариантын карый.

Компаниянең посылка бизнесы һәм экспресс-доставка башлыгы урынбасары Сергей Малышев, үз чиратында, мондый бүлекчәләр бу хезмәткә сорау күп булган районнарда урнаштырылачак, дип аңлаткан. Хәзерге вакытта Мәскәүдә мондый өч бүлек бар. Ул шулай ук "Россия Почтасы" мини-офислары илнең башкаласында гына түгел, Мәскәү өлкәсендә дә барлыкка киләчәк.
 

КӨН ҮЗӘГЕНДӘ

19 июньнең төп вакыйгалары - фото һәм сылтамалар

FISU Рөстәм Миңнехановны Жан Птижан медале белән бүләкләде, “Ана теле” предметы мәҗбүри укыту планында кала, диде Вячеслав Никонов.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Дума милли телләр турында закон проектын беренче укылышта төзәтмәләр белән кабул итте

Закон проекты буенча фикер алышу бер сәгатьтән артык дәвам итте һәм депутатлар күп төзәтмәләр кертте.

Вячеслав Никонов: “Ана теле” предметы мәҗбүри укыту планында кала

Милли телләрне ихтыяри укыту турындагы закон проекты ана телен укыту сәгатьләрен кыскартуны күз алдында тотмый, диде Россия Дәүләт Думасы депутаты.

Солнечногорскида яңа мәчет ачылды

Мәчет ачылышында Россия мөселманнарының Диния нәзарәте һәм Россия Мөфтиләр шурасы башлыгы, мөфти шәйх Равил Гайнетдин чыгыш ясаган.