Татар дөньясы

Арчада “Казан арты” төбәкара форумы узачак

Казан арты һәм Идел буе төбәкләренең уртаклыклары күп, шуңа без аларны берләштереп форум оештырырга булдык, - ди Тәбрис Яруллин.
12.09 20:44

(Казан, 12 сентябрь, “Татар-информ”, Алмаз Шиһабетдинов). 16-17 сентябрь көннәрендә “Акыл фабрикасы” Арча шәһәрендә “Казан арты” төбәкара форумы уздыра. Форумда Татарстанның Арча, Балтач, Әтнә, Саба, Биектау, Кукмара, Теләче, Мамадыш, Яр Чаллы һәм Башкортстан, Чуашия, Удмуртия, Марий Эл, Киров, Ульяновск, Оренбург, Самара төбәкләре катнаша ала.

Катнашучыларны ике көнлек интенсив проектлар ярминкәсе, дөньякүләм брендлар белән танышу, "җирле"не үстерү буенча остаханәләр, Казан арты тарихы буенча лекторийлар, бизнес һәм сәнгать вәкилләре белән очрашулар һәм башка кызыклы чаралар көтә. Ахырда оештыручылар катнашучыларга кызыклы “мозговой штурм” әзерли.

“Без Казан арты һәм Идел буенда булган татар районнарын берләштерергә уйладык. Алар тормыш итү ягыннан да уртаклыклары күп. Шуңа без аларны берләштерергә булдык. Акыл фабрикасы кеше саны артыннан куа торган проект түгел. Без, гадәттә, кызыксынуы булган кешеләрне генә чакырабыз. Бүгенге көнгә 6 төбәктән һәм 6 районнан гаризалар килде. Иң күбе без 8 төбәк һәм 8 районны катнаштыра алабыз”, - дип сөйләде “Татар-информ” хәбәрчесенә “Акыл фабрикасы” проекты җитәкчесе, Бөтендөнья татар яшьләре форумы рәисе Тәбрис Яруллин.

Форумга махсус сылтама аша кереп алдан теркәлү сорала. Форумда 70-80 кеше катнашуы көтелә.

 

КӨН ҮЗӘГЕНДӘ

Камил хәзрәт Сәмигуллин: Ш.Мәрҗани - дөньякүләм абруй казанган шәхес

Татар дин галименең хезмәтләре бүген дә Әл-Әзһәр университетында өйрәнелә, - ди ислам дине лидеры.

“Татарча диктант”та иң еш очраган хаталар билгеле булды

Диктанттагы хаталардан чыгып, аны язучының кайсы төбәктә яшәвен әйтеп була, ди оештыручылар.

Болгар ислам академиясендә беренче Халыкара Болгар укулары узачак

Чара нәтиҗәләре буенча конференция материаллары җыентыгын нәшер итү күздә тотыла.

580 кеше “Татарча диктант”ны “5”легә язган

“Татарча диктант” язуда 2 меңгә якын кеше катнашкан.

Рөстәм Миңнеханов Гайдар форумында Татарстандагы медицина турында сөйләде

Татарстанда медицина ярдәме күрсәтү буенча югары технологияле үзәкләргә аеруча игътибар бирелә.