Җәмгыять

РФ Дәүләт Думасы депутаты Марат Бариев шәхси сораулар буенча тукайлыларны кабул итте

Очрашуга килгән дүрт кешенең мөрәҗәгате җир мәсьәләләре белән бәйле иде
13.09 03:00

(Тукай районы, 13 сентябрь, "Татар-информ", "Якты юл"). РФ Дәүләт Думасы депутаты Марат Бариевның Тукай районында кабул итүенә килгән дүрт кешенең мөрәҗәгате җир мәсьәләләре белән бәйле иде, дип яза җирле басма.

Элек «Раздолье», хәзер «Возрождение» исеме белән йөргән бакчачылык ширкәтеннән Вячеслав Цикало биредә законсыз рәвештә җир участокларын рәсмиләштерәләр, саталар, диде. Бу ситуациядә Дума депутатыннан ярдәм сорады. Аңлашылып бетмәгән әлеге хәлгә тулырак аңлатма бирү өчен очрашуга район җир һәм милек мөнәсәбәтләре палатасы рәисе урынбасары Сергей Русский чакырылды. Ул бу ширкәттә участокларны приватизацияләү эше хәзергә туктатылды, дип белдерде. Депутат әлеге сорау буенча палата рәисе урынбасарына да, мөрәҗәгать итүчегә дә тулырак документлар пакетын әзерләргә һәм үзенең электрон адресына юлларга кушты. Проблеманы өйрәнермен, контрольгә алырмын, дип ышандырды.

Күперле авылыннан Альбина Ямалиева төзегән йортына инде берничә ел буе документ ала алмавы турында әйтте. Участоктагы җиргә документ бар, йортка юк. «Минем участокта, мөгаен, башка йорт теркәлгәндер. Хәзер судка барырга кушалар», – диде ул. Кулындагы документларны карагач, чыннан да, кадастр номерының туры килмәве ачыкланды. Җир һәм милек мөнәсәбәтләре палатасы рәисе Альфред Мингалимов әлеге сорауны үз өстенә алырга, тикшерергә вәгъдә бирде.

Яр Чаллы шәһәреннән Илгиз Хуҗин депутатка гадәти булмаган мөрәҗәгать белән килгән иде. Ул Марат Мансур улыннан Төньяк Флотка бару өчен республика делегациясе составына кертүдә булышуын сорады. 1998 елда, ике еллык хәрби хезмәтен тәмамлап, туган җиренә кайтам дигәндә, бу флотта аның улы Илшатның гомере өзелгән булган.
Күзкәй авылында яшәүче пенсионер Рәсимә Әминова йортын ремонтлатырга депутаттан ярдәм күреп булмасмы дип килгән. «Йорт 1935 елда төзелгән, бик иске хәлдә. Ремонт өчен йөәр меңләгән акча кирәк. Кышын анда бөтенләй яшәрлек түгел, Мәскәү өлкәсендә яшәүче кызым һәм оныгым янына барып торам», – дип аңлатып үтте ул. Кабул итү вакытында билгеле булганча, ул торагын яңартуга мохтаҗлар исемлегендә тора икән, ләкин чиратның килеп җитүенә генә өмет аз. Депутат бу мәсьләдә берни дә вәгъдә итә алмыйм, район җитәкчелеге белән фикерләшеп карармын, диде.
 

 

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.