Җәмгыять

Кукмаралыларда 482 данә утлы корал бар

Әмма коралны исәпкә кую гына түгел, ә тиешенчә саклый да белергә кирәк.
13.09 06:00

(Кукмара, 13 сентябрь, "Татар-информ", "Хезмәт даны"). Утлы корал, шартлаткыч матдәләрнең законсыз әйләнешен туктату максатында Кукмарада "Арсенал" оператив-кисәтү операциясе бара, дип яза kukmor-rt.ru сайты.

Район Эчке эшләр бүлеге начальнигы Рамил Нургалиевтан алынган мәгълүматларга караганда, бүгенге көндә районның 401 кешесендә 482 данә утлы корал бар. Әмма әлеге коралларны исәпкә кую гына түгел, ә тиешенчә саклый да белергә кирәк. Узган ел коралларның сакланыш тәртибен бозган өчен - 16, ә быел 31 кеше административ җаваплылыкка тартылганнар.

"Арсенал" операциясе барышында коралларның сакланыш тәртибе тикшереләчәк. Әгәр сезгә корал кирәк түгел, яисә утлы корал тапкансыз икән, аны полициягә алып килеп бирергә, 02, 2-70-80, 2-65-41 телефоннары аша шалтыратып әйтергә кирәк.

Татарстан Министрлар Кабинеты карары буенча, киселгән утлы корал тапшырган өчен - 3 мең, шартлаткыч матдәләр һәм шартлату чаралары өчен - 2 мең, гранаталар һәм шома көпшәле утлы ату коралы өчен – 1 мең 500 сум, көпшәсе киселгән, кулдан ясалган утлы коралга – 1 мең, газлы, пневматик һәм травматик корал өчен - 500 сум, киселгән утлы коралга хәрби кирәк-яраклар өчен 20 сумга кадәр акча түләнә.

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.