Рәсми Татарстан

Татарстан Кытай белән элемтәләрне киңәйтүгә зур игътибар бирә

Рөстәм Миңнеханов Кытай журналистлары белән очрашты.
13.09 07:27

(Казан, 13 сентябрь, "Татар-информ"). Татарстан Республикасы Президенты Рөстәм Миңнеханов Кытай Халык Республикасы массакүләм мәгълүмат чаралары вәкилләре белән очрашты. Очрашу Татарстан Республикасы Хөкүмәте йортында узды. Анда шулай ук Туризм буенча Татарстан дәүләт комитеты рәисе Сергей Иванов катнашты, дип җиткерә Президентның матбугат хезмәте.

Рөстәм Миңнеханов сәламләү сүзендә билгеләгәнчә, Татарстан Кытай белән элемтәләрне киңәйтүгә зур игътибар бирә. "Без бик күп юнәлеш буенча сезнең тәҗрибәне өйрәнәбез, аеруча бизнеска ярдәм, сәнәгать мәйданчыкларын оештыру өлешендә. Бүген бу эш системалы рәвештә алып барыла", – диде Президент.

Рөстәм Миңнеханов сүзләренчә, Татарстан Кытай белән хезмәттәшлекнең төрле мөмкин булган юнәлешләрен карый: сәүдә-икътисадый мөнәсәбәтләр, мәгариф программалары, цифрлы икътисад өлкәсе һәм башкалар. Бүген Кытай бик күп юнәлешләр буенча дөньяда алдынгы урында, диде Рөстәм Миңнеханов. Ә Татарстан, үз чиратында, Россия Федерациясенә Кытай инвесторларын җәлеп итү өчен уңай мәйданчыкларга ия. "Без, инвестор үсешкә ирешсен өчен, яхшы шартлар булдырырга, кирәкле инфраструктура белән тәэмин итәргә, персонланы әзерләргә риза. Безнең республика Кытай бизнесы Россия базарына керү өчен үзенә күрә күз булырга тиеш", – дип җиткерде Рөстәм Миңнеханов.

Хезмәттәшлек өчен өстенлекле юнәлешләрнең берсе, Рөстәм Миңнеханов сүзләренчә, туризм "Безнең өч объект ЮНЕСКО Бөтендөнья мирасы исемлегенә кертелде. Кытай туристик агентлыклары белән багланышлар буенча тәҗрибәбез дә бар", – диде ул.

Ул белдергәнчә, Татарстан "Европа-Көнбатыш Кытай" транспорт коридорын, "Мәскәү-Казан" югары тизлекле магистральне төзүдә катнаша, әлеге юллар алга таба Пекинга кадәр сузылырга тиеш.

Журналистлар Татарстанның "Хайер" Кытай компаниясе белән хезмәттәшлек итүе турында сорады. Әлеге компания Чаллыда былтыр Россиядә беренче заводын ачты. "Андый зур һәм җитди компаниянең республикада эшләве башка чит ил инвесторларын җәлеп итәргә ярдәм итә. Бу безнең төбәкнең инвестицияләр өчен уңай булуын исбатлый. Минемчә, бу безнең өчен зур җаваплылык. Инде суыткычлар җитештерүче беренче завод ачылды. Бүген без "Хайер" компаниясе белән башка проектлар турында сүз йөртәбез", – дип хәбәр итте Рөстәм Миңнеханов. 

Шулай ук Татарстан Президенты Казанда 2018 елгы футбол буенча дөнья чемпионаты турында сөйләде. "Бу бик зур халыкара чара, ул Олимпия уеннары кебек кызыклы. Берничә матч безнең республика башкаласында узачак", – диде республика лидеры.

КӨН ҮЗӘГЕНДӘ

Юто Хишияма: Рус теле уңайлырак, дип, татар теленнән баш тарту милләтнең бетүенә китерә

Япон галиме фикеренчә, татар телен кирәкле һәм файдалы итү татарларның үзләреннән тора.

Рамил Курамшин юбилей кичәсе уздыра

Программада халык көйләре, татар композиторлары әсәрләре яңгыраячак.

«Сөембикә» журналы Бөтенроссия бәйгесендә җиңү яулаган

Авыл тормышы «Сөембикә»нең гомер-гомергә төп темаларының берсе булды.

Чаллы театрының яңа премьерасына билетлар ике атна алдан сатылып беткән

"Яратылмый калган ярлар" спектакле Татарстан хөкүмәтенең 500 мең сумлык грант акчасына куела.

Татарстан Театр әһелләре берлеге гранты ияләре билгеле

Татарстан Театр әһелләре берлеге грантының гомуми суммасы – 1 миллион 100 мең сум.