Җәмгыять

Дәүләт Думасында балаларга куәтле пневматик корал сатуны тыярга тәкъдим иттеләр

Тәкъдим кабул ителсә, хокук бозган өчен юридик затларга 50 мең сумга кадәр штраф салыначак.
13.09 10:18

(Казан, 13 сентябрь, «Татар-информ»). Дәүләт Думасының "Бердәм Россия" депутаты Айрат Фәррахов балаларга энергиясе 0,5 Дж күрсәткечтән артып киткән пневматик корал сатуны тыя торган канун проектын әзерләп, аны фракциянең экспертлар советына керткән. Тәкъдим кабул ителсә, хокук бозган өчен юридик затларга 50 мең сумга кадәр штраф салыначак, дип яза ТАСС агентлыгы.

"Пневматик пистолетлар күңел ачу атышы өчен ясалган. Әмма кайчак әлеге шөгыль мәрхәмәтсез уенга әверелә, мишень буларак кешеләр һәм хайваннар сайлана. Офтальмолог табиблар фикеренчә, әлеге куркыныч уенчык күзне җәрәхәтли, шул вакытта бик җитди нәтиҗәләргә, инвалидлыкка китерүгә сәбәп булып тора", – дип яза депутат.

Бер үк вакытта Айрат Фәррахов административ хокук бозулар турындагы Россия Федерациясе Кодексына төзәтмәләр дә әзерләгән. Аның нигезендә балаларга 0,5тән 3 Дж куәтле коралга охшаш эшләнмәләр, пневматик винтовкалар саткан (шулай ук аларны канунсыз ясау) гражданнарга пневматик коралны тартып алу яки ансыз 1 меңнән 5 меңгә кадәр, вазифаи затларга коралны тартып алу яки алты айдан бер елга кадәр квалификациясеннән мәхрүм итү очрагы белән 10 меңнән 30 мең сумга кадәр штраф яный. Юридик затларга коралны тартып алу яки аларның эшчәнлеген 30 тәүлеккә кадәр административ туктату белән 30 меңнән 50 мең сумга кадәр штраф каралган.

КӨН ҮЗӘГЕНДӘ

19 июньнең төп вакыйгалары - фото һәм сылтамалар

FISU Рөстәм Миңнехановны Жан Птижан медале белән бүләкләде, “Ана теле” предметы мәҗбүри укыту планында кала, диде Вячеслав Никонов.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Дума милли телләр турында закон проектын беренче укылышта төзәтмәләр белән кабул итте

Закон проекты буенча фикер алышу бер сәгатьтән артык дәвам итте һәм депутатлар күп төзәтмәләр кертте.

Вячеслав Никонов: “Ана теле” предметы мәҗбүри укыту планында кала

Милли телләрне ихтыяри укыту турындагы закон проекты ана телен укыту сәгатьләрен кыскартуны күз алдында тотмый, диде Россия Дәүләт Думасы депутаты.

Солнечногорскида яңа мәчет ачылды

Мәчет ачылышында Россия мөселманнарының Диния нәзарәте һәм Россия Мөфтиләр шурасы башлыгы, мөфти шәйх Равил Гайнетдин чыгыш ясаган.