Спорт

Владимир Леонов: дөнья чемпионаты алдыннан «Казан Арена»да газон алмаштыру планлаштырылмый

Татарстанның яшьләр эшләре һәм спорт министры сүзләренчә, Казан стадионындагы футбол кыры соңгы технологияләр буенча эшләнгән.
13.09 11:01

(Казан, 13 сентябрь, «Татар-информ», Алексей Анисимов). 2018 елда Россиядә уза торган футбол буенча дөнья чемпионаты алдыннан «Казан Арена» стадионында газонны алмаштыру планлаштырылмый. Бу хакта Татарстанның яшьләр эшләре һәм спорт министры Владимир Леонов белдерде.

«Казан Арена” стадионында газонны алмаштыру планлаштырылмый. Моңа кадәр алмаштырулар булды. Һәр очрак саен объектив сәбәп бар иде. Бүген “Казан Арена”да футбол кыры соңгы технологияләр буенча эшләнгән. Газон бик яхшы хәлдә. Мониторинг системасы җайга салынган, стадионны администраторлар гына тикшереп калмый, ФИФА да даими рәвештә үз комиссиясен җибәрә. Алар өчен газон бик мөһим санала. Казан тәҗрибәсен дөнья чемпионатына төзеләчәк башка стадионнарда да кулланалар», – дип белдерде министр.

Футбол буенча дөнья чемпионаты 2018 елның 14 июненнән 15 июльгә кадәр Россиянең 11 шәһәрендә – Мәскәү, Санкт-Петербург, Казан, Сочи, Түбән Новгород, Самара, Волгоград, Ростов-Дон, Калининград, Екатеринбург һәм Саранскида узачак. Татарстан башкаласында дөнья чемпионатының алты матчы: төркем этабының дүрт уены, шулай ук 1/8 һәм 1/4 финалның берәр матчы үтәчәк.

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.