Икътисад

Россиягә Белоруссия һәм Казахстаннан шикәр кертү чикләнергә мөмкин

Авыл хуҗалыгы министры аңлатуынча, Россия шикәре Белоруссия һәм Казахстаннан зур продукция агымы килү шартларында көндәшлеген югалтты.
13.09 11:56

(Казан, 13 сентябрь, «Татар-информ»). Россия, илдә җитештерелгән продукциянең көндәшлеген арттыру максатыннан, Белоруссия һәм Казахстаннан шикәр кертүне чикләргә мөмкин, дип белдергән Россия авыл хуҗалыгы министры Александр Ткачев. Бу хакта “Известия” хәбәр итә.

Министр аңлатуынча, Россия шикәре Белоруссия һәм Казахстаннан зур продукция агымы килү шартларында көндәшлеген югалтты. Бәяләр ике тапкырга төште – август башы белән чагыштырганда шикәрнең килограммы 44тән 26 сумга кадәр арзанайды.

«Бер яктан, бездә шикәр артыгы белән җитештерелә, шуңа күрә артык өлешен (700 мең тонна) читкә чыгарырга тиешбез. Икенче яктан, өченче илләрдән безнең базарга шикәр кертелә», – дигән Ткачев.

Министр сүзләренчә, шикәр җитештерү буенча Россиянең кайбер предприятиеләре килеп чыккан вазгыятькә бәйле банкротлыкка якын тора. Шуңа күрә Авыл хуҗалыгы министрлыгы тиешле чаралар күрергә тиеш.

Элегрәк Александр Ткачев Россиягә Белоруссия һәм Казахстаннан шикәр кертү илдәге продукциягә сорау кимүгә китерәчәген белдергән иде инде.

КӨН ҮЗӘГЕНДӘ

19 июньнең төп вакыйгалары - фото һәм сылтамалар

FISU Рөстәм Миңнехановны Жан Птижан медале белән бүләкләде, “Ана теле” предметы мәҗбүри укыту планында кала, диде Вячеслав Никонов.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Дума милли телләр турында закон проектын беренче укылышта төзәтмәләр белән кабул итте

Закон проекты буенча фикер алышу бер сәгатьтән артык дәвам итте һәм депутатлар күп төзәтмәләр кертте.

Вячеслав Никонов: “Ана теле” предметы мәҗбүри укыту планында кала

Милли телләрне ихтыяри укыту турындагы закон проекты ана телен укыту сәгатьләрен кыскартуны күз алдында тотмый, диде Россия Дәүләт Думасы депутаты.

Солнечногорскида яңа мәчет ачылды

Мәчет ачылышында Россия мөселманнарының Диния нәзарәте һәм Россия Мөфтиләр шурасы башлыгы, мөфти шәйх Равил Гайнетдин чыгыш ясаган.