Татар дөньясы

“Татар-информ”га килгәч, журналистика белән кызыксынуыбыз тагын да артты - студентлар

КФУның журналистика факультеты 1 курс студентларына “Татар-информ” мәгълүмат агентлыгы эшчәнлеге белән таныштырдылар.
13.09 12:48

(Казан, 13 сентябрь, “Татар-информ”, Алмаз Шиһабетдинов). Бүген КФУның Журналистика һәм медиакоммуникацияләр югары мәктәбе татар бүлегенең 1нче курс студентлары “Татар-информ” мәгълүмат агентлыгы белән танышты.

Күптәннән килгән гадәт буенча, "Татар-информ" белән танышу 12 кат тәрәзәсеннән Казансу елгасын һәм Казан Кремлен фотога төшерү белән башлана. Филология фәннәре кандидаты, доцент Рәсимә Галиева җитәкчелегендәге 11 кешелек төркем дә танышуны әлеге традициядән башлады.

“Татар-информ” мәгълүмат агентлыгының татар редакциясе баш редакторы Рәмис Латыйпов һәм шеф-редактор Алсу Исмәгыйлева студентларга редакциянең юнәлешен аңлатты. “Без бердәнбер татар мәгълүмат агентлыгы булгач, төп әһәмиятне Татарстан һәм татарлар тормышына бирәбез”, - дип азсызыклады Рәмис Латыйпов.

Студентлар “Татар-информ” агентлыгының татар редакциясе һәм шулай ук татар телле “Интертат” электрон газетасы редакциясенең эшләү принциплары белән танышты. “Күп кеше мәгълүмат белән социаль челтәрләрдә таныша. Безнең максат – үз аудиториябезгә мәгълүматны тарату. Шуңа барлык социаль челтәрләрдә дә актив эш алып барабыз”, - дип белдерде татар редакциясенең шеф-редакторы Алсу Исмәгыйлева.

Мәкаләңне күп укучы укысын дисәң, аңа исем дә сайлый белергә кирәк. Шуңа Рәмис Латыйпов һәм Алсу Исмәгыйлева булачак каләм әһелләренә беренче эш тә бирделәр – бүгенге очрашуга баш исем уйлау. Үз эшләренә анализны студентлар инде практика үтә башлагач беләчәкләр.

"Татар матбугат чараларына нәрсә җитми?" дигән сорауга Рәфидә Галимҗанова: "Минем фикеремчә, татар матбугатлары үзләре үк җитеп бетми. Татар газета-журналларының артуын теләр идем. Яшьләрне кызыксындыра торган яңалыклар рубрикасы - аларның хәзерге тормышы, нинди уйлар белән яшиләр, шул кирәк. Аннары соң, иң хыялланганым - яшьләргә психологлар кирәк. Хәзер аларның фикерен бутый торган оешмалар артты. Шул чакларда үзеңне ничек тотарга, шундый мәгънәдәге сорауларга җавап бирә торган рубрика кирәк", - дип җавап бирде.

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.