Сәясәт

Татарстан Дәүләт Советы бер көндә ике утырыш уздыра

Канун чыгару органының чираттагы сессияләре 21 сентябрьгә билгеләнгән.
13.09 12:10

(Казан, 13 сентябрь, "Татар-информ", Лилия Локманова). Татарстан Дәүләт Советының 32 нче утырышы 21 сентябрьдә 12.00 сәгатьтә башланачак. Бу хакта бүген парламет президиумы утырышында билгеле булды.

Бишенче чакырылыш депуталары утырышта 20гә якын мәсьәлә караячак.

Алар арасында – Татарстан Республикасы җәмәгать судьяларын сайлау; ТР Үзәк сайлау комиссиясе әгъзаларын билгеләп кую; “Нурлат муниципаль районының “Нурлат шәһәре” һәм “Яңа Иглай авыл җирлеге” муниципаль берәмлекләренең территорияләре чикләрен үзгәртү һәм “Нурлат муниципаль районы” муниципаль берәмлегенең һәм аның составындагы муниципаль берәмлекләрнең территорияләре чикләрен билгеләү һәм аларның статусы турында” Татарстан Республикасы канунына үзгәрешләр кертү хакында” 370-5 нче номерлы Татарстан Республикасы канун  проекты (I укылыш); “Татарстан Республикасында җирле үзидарә турында”гы ТР законына үзгәрешләр кертү хакында” 377-5 нче номерлы Татарстан законы проекты (I укылыш); “Татарстан Республикасы Сайлау кодексына һәм Татарстан Республикасының аерым закон актларына үзгәрешләр кертү турында”гы 385-5 нче номерлы ТР законы проекты (I укылыш); “Татарстан Республикасы Дәүләт Советы депутаты статусы турында”гы Татарстан законына үзгәрешләр кертү хакында” 378-5 нче номерлы Татарстан законы проекты (I укылыш); “Татарстан Республикасы һәлакәттән коткару хезмәтләре һәм һәлакәттән коткару формированиеләре турында”гы Татарстан Республикасы законына үзгәрешләр кертү хакында” 382-5 нче номерлы Татарстан законы проекты (I укылыш) һәм башка сораулар бар.

Бу көнне Дәүләт Советының 31 нче утырышы да уздырылачак. Анда Татарстан Президенты Рөстәм Миңнеханов еллык юллама белән чыгыш ясаячак.
 

КӨН ҮЗӘГЕНДӘ

Владимир Пучков: Татарстан – тормыш иминлеге мәсьәләсе буенча алдынгы төбәкләрнең берсе

Россия Гадәттән тыш хәлләр министры һәм Татарстан Президенты республика коткаручыларына автомобиль һәм махсус техника ачкычлары тапшырды.

Халыкара "Татар кызы" бәйгесендө Татарстанны Гөлназ Гатина тәкъдим итәчәк

Чирмешән кызы Казан (Идел буе) федераль университетында белем ала.

Синоптиклар шимбә кырау төшүен фаразлый

Атна ахырына кадәр яңгыр иртәгә генә булачак, башка көннәрдә явым-төшем көтелми, дип хәбәр ителә.

Татар шундый фаҗигага юлыкса да, ул барыбер үз урынын тапкан – тарихчы

1552 елдагы вакыйгалар татарларда феодал катламны юк итүгә китерде, дип саный Искәндәр Гыйләҗев.

20 сентябрьнең төп вакыйгалары - фото һәм сылтамалар

Казанга Португалия икътисад министры килде, Мөхәррәм ае башланды, "Рубин" футболчылары Россия кубогының алдагы раундына узды, карабодай уңышы яхшы.