Мәдәният

Татар шагыйрьләрен Мөслимдә искә алачаклар

Зөлфәт Маликов һәм Наис Гамбәрнең 70 еллыгы уңаеннан “Татар әдәбияты һәм сәнгате көннәре” оештырыла.
13.09 12:36

(Казан, 13 сентябрь, “Татар-информ”, Мөршидә Кыямова). 14-15 сентябрь көннәрендә Мөслимдә танылган шагыйрьләр – Татарстанның атказанган сәнгать эшлеклесе, Г.Тукай исемендәге бүләк иясе Зөлфәт Маликов (Зөлфәт) һәм Татарстанның атказанган мәдәният хезмәткәре Наис Гамбәрнең тууына 70 ел тулуга багышланган “Татар әдәбияты һәм сәнгате көннәре” уза. Бу хакта Татарстан Язучылар берлегеннән хәбәр итәләр.

Юбилей чараларына килүчеләр өчен Мөслим төбәгенең истәлекле урыннарына экскурсияләр, түгәрәк өстәл янында әңгәмәләр, мәктәпләрдә һәм хезмәт коллективларында укучылар, әдәбият сөючеләр белән очрашулар оештырыла.

Шагыйрьләр истәлегенә тантаналы кичә Мөслимнең Зифа Басыйрова исемендәге район мәдәният йортында 14 сентябрьдә 18.00 сәгатьтә булачак.
 
Бәйрәм чараларында язучы, Татарстан Дәүләт Советының Мәгариф, мәдәният, фән һәм милли мәсьәләләр комитеты рәисе Разил Вәлиев, Татарстан Язучылар берлеге рәисе, Татарстанның атказанган сәнгать эшлеклесе Данил Салихов, Мөслим муниципаль районы башлыгы Рамил Муллин, күренекле язучылар, җәмәгать эшлеклеләре катнаша, ди проектны оештыручылар.
 

КӨН ҮЗӘГЕНДӘ

23 ноябрьнең төп вакыйгалары - фото һәм сылтамалар

Татарстан инвестицияләр буенча алдынгылар рәтендә; татарча диктантны 10 илдә, 20 төбәктә язачаклар; Казанда Айрат Арсланов урамы барлыкка килде.

Васил Шәйхразиев җитәкчелегендә Татарстан делегациясе - Нижневартовск шәһәрендә

Иртәгә Татарстан делегациясе Томск өлкәсендәге Стрежевой шәһәренә юл тотачак.

Рамил Хисамов: Тоткыннарның балалары ата-аналарының хатасы өчен җавап бирергә тиеш түгел

Социаль тернәкләндерү һәм адаптация үзәге әтиләре яки әниләре ялгыш юлга басып, тәэмин итүчесез калганнарга да ярдәм кулы суза.

Мөселман лидерлык мәктәбе вәкилләре бизнес ачу серләрен тыңлады

Белгечләр эшмәкәрлекнең авыр яклары, үзенчәлекләре турында сөйләде.

Борынгы Болгарда Мәүлид бәйрәме быел бишенче тапкыр оештырыла

Болгарда 29 ноябрьдә узачак Мәүлид бәйрәмендә мөфти Тәлгать хәзрәт Таҗетдин, Равил хәзрәт Гайнетдин катнашуы көтелә.