Җәмгыять

Татар клавиатурасын җитештерә башлау өчен 1 миллион сум акча таләп ителә

Татар клавиатурасын җитештерә башлаганчы тагын ике-өч ай үтәчәк.
13.09 13:41

(Казан, 13 сентябрь, "Татар-информ"). Казанның "Теория" дизайн студиясе беренче "Басма"  татар клавиатурасын булдырды. Аңа татар телендәге алты хәреф, ягъни Ә, Ң, Җ, Ө, Ү, Һ, өстәлгән. Бу хакта Татарстан Республикасы Мәгълүматлаштыру һәм элемтә министрлыгы матбугат хезмәте хәбәр итә.

Беренче татар клавиатурасы текст басканда телләрне күчерү мәсьәлсен хәл итәчәк.

Аны булдыручылар татар хәрефләрен клавиатура уртасында – уң һәм сул кул бармаклары эшләү чигендә урнаштырган. Бу исә "Басма" клавиатурасы белән эшли башлауны җиңеләйтә. Алты яңа төймә өстәлү белән клавиатурада берни дә үзгәрми, ул нибары озынчага сузылачак. Шулай ук уңайлы булсын өчен, анда нокта һәм өтер өчен аерым төймәләр куелган.

Клавиатураның тәҗрибә өчен булган үрнәге һәм принципиаль микросхемасы әзер. Әмма аны күпләү җитештерә башларга 1 миллион сум акча кирәк. Акча детальләр, клавиша һәм корпус ясау өчен тотылачак. Ә клавиатураның үзен җитештерү чыгымнары алда әйтелгән бәягә әле кертелмәгән.

Казанның "Теория" дизайн студиясе кирәкле акчаны Planeta.ru краудфандинг платформасында (интернетта төрле проектларны ясарга акчалар бирүчеләр җыелган урын – Т.-и.) җыярга тырыша. 1 миллион сумны җыеп, татар клавиатурасын җитештерә башлаганчы тагын ике-өч ай үтәчәк, дип белдерә студия вәкилләре.
 

КӨН ҮЗӘГЕНДӘ

Рөстәм Миңнеханов Пхёнчхандагы Олимпиадада уңышка өлеш кертүчеләрне котлады

Президент республика халкы һәм шәхсән үз исеменнән спортчы Андрей Ларьковка, аның беренче тренеры Владимир Махаловка уңышлар теләде.

Туган телдә башкарылган җыр конкурсында Айдар Сөләйманов Гран-при алды

«Биир күн» («Под одним солнцем») – I төбәкара интерактив заманча җыр конкурсы Якутиядә уздырыла.

Татарстан һәм Башкортстан журналистларына ТӨРКСОЙ премиясе тапшырылды

Төркиянең Кастамону шәһәрендә Казахстан шагыйре Магҗан Җомабаев елы ачылышы узды.

Илшат Фәрдиев Андрей Ларьковны Олимпиадада көмеш медаль алуы белән котлады

Соңгы ике көндә Татарстан спортчылары Анна Нечаевская һәм Андрей Ларьков атказанган спорт мастерлары булды, диелә котлауда.

Татарстан спортчысы Андрей Ларьков Олимпиадада көмеш медаль алды

Спортчы Россия җыелма командасында чаңгы ярышларында икенче булды.