Сәясәт, Җәмгыять

Мисыр Россия туристлары өчен илгә керү визасын бетерү турында уйлана

Россия туроператорлар ассоциациясендә беренче этапта виза алуны бетерү бу илгә күбрәк Россия турист җәлеп итү мөмкинлеген ача, дип саныйлар.
13.09 14:39

(Казан, 13 сентябрь, "Татар-информ"). Мисыр парламентында Россия туристлары өчен керү визаларын вакытлыча бетерергә тәкъдим итәләр, дип җиткерә Интерфакс, "Турпомощь" чит ил туризмы буенча туроператорлар ассоциациясенә сылтама белән.

Хәзер россиялеләрдән визаны Мисырга килгәч рәсмиләштерү сорала, ул 25 доллар тора. “Россия халкы өчен виза алуны вакытлыча бетерү икътисад һәм мәдәниара элемтәләрнең үсешенә китерә ала", - дип саный Мисырның канун чыгару җыелышына караган туризм һәм гражданлык авиациясе комитеты вәкиле, депутат Мөхәммәт Мәсүд.

Шул ук вакытта Россия туроператорлар ассоциациясендә (АТОР) россиялеләр өчен беренче этапта виза алуны бетерү бу илгә күбрәк турист җәлеп итү мөмкинлеген ача, дип белдерәләр.

2015 елның ноябрендә Мисырда "Когалымавиа" самолеты килеп төшкәннән соң, Россия ике ил арасындагы һава элемтәсен туктаткан иде. Шарм-эль-Шейхтан Санкт-Петербургка очкан лайнер бортындагы 217 пассажир һәм экипажның җиде вәкиле - барысы да һәлак була. Федераль Куркынычсызлык хезмәте соңрак булган фаҗигане теракт дип тапты.

Агымдагы елның сентябрь башында Россия Президенты Владимир Путин Мисыр белән ике арадагы һава элемтәсенең тулысынча торгызылуына ышанычын белдерде. Әмма очышларны куркынычсыз итү шартын куйды.
 

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.