Архив

Илсур Метшин Идел буе федераль округының башкала җитәкчеләре рейтингы лидеры

Казан мэры Идел буе федераль округы рәсми затлары медиарейтингларында алдынгы урыннарда беренче генә торуы түгел.
13.09 15:13

(Казан, 13 сентябрь, "Татар-информ"). Казан мэры Илсур Метшин “Медиалогия” мәгълүмати-аналитик системасының Идел буе федераль округы башкала җитәкчеләренең 2017 ел август ае медиарейтингында беренче урынны алды.

Федераль һәм төбәк массакүләм мәгълүмат чараларын анализлау нәтиҗәсендә, Илсур Метшинның медиаиндексы 13211,1 пункт тәшкил итә, дип табылган. Массакүләм мәгълүмат чараларында Казан мэрының мәктәп директорлары тарафыннан укытучылар һәм ата-аналар каршында хисап бирү практикасын кертү турындагы фикере, ”Әкият” курчак театры каршында узган “Чәчәк фестивале"ндә булуы һәм футбол буенча дөнья чемпионатына шәһәрне бизәргә мөмкин булган композицияләрне атавы, капиталь төзекләндерү барышында Чуйков урамының 52-нче йортындагы су үтеп зарарланган фатирларда яшәүчеләр белән аралашуы яңгыраш тапкан.

Икенче һәм өченче урыннарда Түбән Новгород һәм Саратов шәһәрләре башлыклары тора.

Искәртергә кирәк, әлеге рейтинг “Медиалогия” массакүләм мәгълүмат чаралары системасы нигезендә төзелә. Казан мэры округ субъектлары башкаласы рәсми затлары айлык медиарейтингларында алдынгы урыннарны инде берничә тапкыр яулады.

КӨН ҮЗӘГЕНДӘ

19 июньнең төп вакыйгалары - фото һәм сылтамалар

FISU Рөстәм Миңнехановны Жан Птижан медале белән бүләкләде, “Ана теле” предметы мәҗбүри укыту планында кала, диде Вячеслав Никонов.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Дума милли телләр турында закон проектын беренче укылышта төзәтмәләр белән кабул итте

Закон проекты буенча фикер алышу бер сәгатьтән артык дәвам итте һәм депутатлар күп төзәтмәләр кертте.

Вячеслав Никонов: “Ана теле” предметы мәҗбүри укыту планында кала

Милли телләрне ихтыяри укыту турындагы закон проекты ана телен укыту сәгатьләрен кыскартуны күз алдында тотмый, диде Россия Дәүләт Думасы депутаты.

Солнечногорскида яңа мәчет ачылды

Мәчет ачылышында Россия мөселманнарының Диния нәзарәте һәм Россия Мөфтиләр шурасы башлыгы, мөфти шәйх Равил Гайнетдин чыгыш ясаган.