Җәмгыять

Әлмәттә заманча асфальт-бетон заводы эшли башлады.

Хәзерге вакытта заводта көн саен 300 тоннага якын асфальт-бетон катнашмасы эшләп чыгарыла.
13.09 22:00

(Әлмәт, 13 сентябрь, "Татар-информ", "Әлмәт таңнары"). Әлмәттә яңа, заманча асфальт-бетон заводы эшли башлады, дип яза җирле басма.

Биредә барлык процесслар автоматлаштырылган, компьютер программасы технологик процесс белән оператор кабинасыннан торып идарә итү мөмкинлеге бирә. Хәзерге вакытта заводта көн саен 300 тоннага якын асфальт-бетон катнашмасы эшләп чыгарыла. Бурыч – аны 1000 тоннага җиткерү. Асфальт-бетон катнашмасы 5 төп компоненттан тора: вак таш, иләктән калган калдык, ком, минераль порошок һәм битум. Асфальтның кайда салыначагына карап, әлеге чималларның процент чагыштырмасы төрлечә булырга мөмкин. Яңа заводта җитештерелгән асфальт-бетонның тәүге тонналары шәһәр урамнарына салынды да инде. Яңа предприятие югары технологияле, барлык экологик нормаларга да җавап бирә.

Заводны сатып алу Әлмәт шәһәр юллар идарәсенең конкуренциягә сәләтлелеген нык арттырачак, дип исәпли “ГУАД” МУП директоры Альберт Хәләпов. Аның әйтүенә караганда, иске заводны да резерв сыйфатында саклап калырга карар иткәннәр. Яңа заводта барлык җиһазлар да Кытайда җитештерелгән, дөнья стандартларына туры килә. Иң мөһиме - калабызны сыйфатлы асфальт-бетон катнашмалары белән тәэмин итеп, яңа завод шәһәр юлларын ремонтлауга бүлеп бирелә торган бюджет акчаларын янга калдырырга мөмкинлек бирәчәк.

 

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.