Мәдәният

К.Тинчурин җирләнгән урынга чәчәкләр салыначак

15 сентябрьдә Казанның Архангел зиратында татар драматургын искә алачаклар.
13.09 16:26
(Казан, 13 сентябрь, “Татар-информ”, Мөршидә Кыямова). 15 сентябрьдә 10.00 сәгатьтә Казанның Архангел зиратында (Даурия ур., 1а) драматург Кәрим Тинчурин җирләнгән урынга чәчәкләр салу, аны искә алу чарасы уздырылачак. Бу хакта “Татар-информ” мәгълүмат агентлыгына К.Тинчурин исемендәге театрның матбугат үзәгеннән хәбәр итәләр. 
 
1929-1942 елларда атып үтерелгән сәяси репрессия корбаннары исемнәре уелган мемориал стела Архангел зиратында куелган. Анда бөек әдипнең исеме дә бар. Чарада ТР Мәдәният министрлыгы вәкилләре, Татарстанның театр җәмәгатьчелеге, әдәбият һәм сәнгать әһелләре катнашыр, дип көтелә.
 
15 сентябрь көнне 17.00 сәгатьтә К.Тинчурин исемендәге Татар дәүләт драма һәм комедия театры фойесында Кәрим Тинчуринга бюст ачу тантанасы була. Бюстның авторы – скульптор, рәссам, Россия Рәссамнар берлеге әгъзасы Рөстәм Габбасов.
 
Тинчурин театрының яңа сезоны нәкъ менә Кәрим Тинчуринның туган көнендә ачылачак. 15 сентябрьдә 18.30 сәгатьтә сәхнәдә бөек драматургның “Утыз өч көн” автобиографик новелласы буенча куелган “Соңгы әсәр” спектакленең премьерасы була. Бөтен труппа диярлек җәлеп ителгән әлеге саллы спектакль татар театры тарихында беренче тапкыр куела һәм республика сәнгатендә зур вакыйга булыр дип көтелә. Әлеге чараларда ТР Дәүләт Советы рәисе Фәрит Мөхәммәтшин, ТР Президенты Аппараты җитәкчесе Әсгать Сәфәров, ТР Президенты ярдәмчесе Ләйлә Фазлыева катнашыр дип планлаштырыла.

 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.