Җәмгыять

Татарстанда җылы һава торышы тагын бер атна сакланачак

Яңгырсыз классик "әбиләр чуагы" төбәктә сентябрьнең өченче декадасында көтелә. Агымдагы ай нормадан тыш җылы булырга охшап тора.
13.09 17:20

(Казан, 13 сентябрь, "Татар-информ"). Татарстанда җылы һава торышы, ким дигәндә, сишәмбегә кадәр сакланачак. Бу хакта КФУның Метеорология, климатология һәм экология атмосферасы кафедрасы җитәкчесе, профессор Юрий Переведенцев җиткерә, дип хәбәр итә югары уку йорты матбугат хезмәте.

Юрий Переведенцев сүзләренчә, әлеге җылы һава торышын шартлыча гына "әбиләр чуагы" дип атарга була.

“Классик "әбиләр чуагы" – ул начар һава торышыннан соң, коры һәм кояшлы һава торышы урнашу. Ул сентябрьнең беренче яртысында килә, температура +20 градустан югарырак күтәрелә. Хәзер исә һава торышы тотрыксыз, яңгырлар белән үрелеп бара”,- дип аңлата эксперт.

Шулай ук ул сентябрьнең климатик уртача тәүлек температурасы 11,5 градус җылы тәшкил итүен җиткергән. Хәзер исә температура 4-5 градуска югары.

Бүген көндез сәгать 12дә һава температурасы Казанда 23 градуска җиткән. Рекорд 2001 елның 13 сентябрендә куелган булган – ул вакытта 26,8 градус җылы күзәтелгән.

Шул ук вакытта бүгенге көн, мөгаен, иң җылы көн булыр дип көтелә. Иртәгә бераз яңгыр явуы һәм көндезен температура 20 – 21 градус җылы булуы көтелә. Җомга көнне явым-төшемсез һәм 23 градус җылы һава торышы фаразлана. Ял көннәрендә 20 градус җылы, явым-төшемнәр булачак, ди метеорологлар.Әлеге дулкын сишәмбегә - 19 сентябрьгә кадәр сакланыр, дип фаразлана.

"Әбиләр чуагы" исә, эксперт фикеренчә, төбәккә сентябрьнең өченче декадасында киләчәк. Тулаем алганда, быелгы сентябрь нормадан тыш җылы булырга охшап тора.
 

КӨН ҮЗӘГЕНДӘ

Владимир Пучков: Татарстан – тормыш иминлеге мәсьәләсе буенча алдынгы төбәкләрнең берсе

Россия Гадәттән тыш хәлләр министры һәм Татарстан Президенты республика коткаручыларына автомобиль һәм махсус техника ачкычлары тапшырды.

Халыкара "Татар кызы" бәйгесендө Татарстанны Гөлназ Гатина тәкъдим итәчәк

Чирмешән кызы Казан (Идел буе) федераль университетында белем ала.

Синоптиклар шимбә кырау төшүен фаразлый

Атна ахырына кадәр яңгыр иртәгә генә булачак, башка көннәрдә явым-төшем көтелми, дип хәбәр ителә.

Татар шундый фаҗигага юлыкса да, ул барыбер үз урынын тапкан – тарихчы

1552 елдагы вакыйгалар татарларда феодал катламны юк итүгә китерде, дип саный Искәндәр Гыйләҗев.

20 сентябрьнең төп вакыйгалары - фото һәм сылтамалар

Казанга Португалия икътисад министры килде, Мөхәррәм ае башланды, "Рубин" футболчылары Россия кубогының алдагы раундына узды, карабодай уңышы яхшы.