Мәдәният

Дөньякүләм танылган театр режиссеры Сергей Потапов Лондонны Минзәләгә алыштырган

Премьера 15 октябрьгә тәгаенләнгән.
13.09 17:54

(Казан, 13 сентябрь, “Татар-информ”, Рузилә Мөхәммәтова). Дөньякүләм танылган театр режиссеры, "Алтын битлек" театр премиясе лауреаты Сергей Потапов кичә Татарстанга килеп төште һәм бүген Минзәлә татар дәүләт драма театрында вәгъдә ителгән “Иблис” спектаклен кую эшенә кереште. “Бүген ул труппа белән танышып, уй-фикерләрен сөйләде. Иртәгә репетицияләр башлана”, - диде “Татар-информ” хәбәрчесенә театрның баш режиссеры Дамир Сәмерханов.

Сергей Потапов бер ай дәвамында Минзәләдә булачак. Премьера 15 октябрьгә тәгаенләнгән.

“Сергей Потапов – уникаль кеше, югары профессионал. Сүзендә тора торган кеше икән. Лондонга спектакль куярга чакырулы булса да, сүзендә торды – андагы куелышны кичектереп торып, Минзәләгә килде, - ди Дамир Сәмерханов. – Мин ул килгәнче артистларны әзерләп торырга тырыштым. Сергейга ярдәм итү өчен бөтен көчне куячакбыз”.

Искәртеп үтәбез: Минзәлә татар дәүләт драма театры “Россиянең кече шәһәрләре театрлары” федераль программасы нигезендә бөек әзәрбәйҗан шагыйре Хөсәен Җәвиднең "Иблис" трагедиясен куя башлады. Шигъри тел белән язылган пьесаны Г.Тукай исемендәге дәүләт премиясе лауреаты Ркаил Зәйдулла тәрҗемә иткән.

Мәгълүмат өчен: “Кече шәһәр театрлары” проекты кысаларында федераль бюджеттан Татарстанның алты дәүләт театрына 24 миллион сум акча бүлеп бирелде. Проект “Бердәм Россия” партиясе инициативасы буенча тормышка ашырыла. Кече шәһәрләр исәбенә халкы 300 меңнән кимрәк булган шәһәрләр керә. Исемлеккә Әлмәт, Түбән Кама, Минзәлә, Әтнә, Буа һәм Бөгелмә дәүләт театрлары һәм муниципаль театрлардан Яшел Үзән музыкаль театры һәм Түбән Кама шәһәре Яшь тамашачы театры кергән. Акчалар бөтен дәүләт театрларына да бертигез күләмдә биреләчәк. Акчалар спектакль чыгару өчен тәгаенләнә, төрле җиһазлар ниндидер куелыш өчен махсус кирәк булса гына алынырга мөмкин.

 

КӨН ҮЗӘГЕНДӘ

Владимир Пучков: Татарстан – тормыш иминлеге мәсьәләсе буенча алдынгы төбәкләрнең берсе

Россия Гадәттән тыш хәлләр министры һәм Татарстан Президенты республика коткаручыларына автомобиль һәм махсус техника ачкычлары тапшырды.

Халыкара "Татар кызы" бәйгесендө Татарстанны Гөлназ Гатина тәкъдим итәчәк

Чирмешән кызы Казан (Идел буе) федераль университетында белем ала.

Синоптиклар шимбә кырау төшүен фаразлый

Атна ахырына кадәр яңгыр иртәгә генә булачак, башка көннәрдә явым-төшем көтелми, дип хәбәр ителә.

Татар шундый фаҗигага юлыкса да, ул барыбер үз урынын тапкан – тарихчы

1552 елдагы вакыйгалар татарларда феодал катламны юк итүгә китерде, дип саный Искәндәр Гыйләҗев.

20 сентябрьнең төп вакыйгалары - фото һәм сылтамалар

Казанга Португалия икътисад министры килде, Мөхәррәм ае башланды, "Рубин" футболчылары Россия кубогының алдагы раундына узды, карабодай уңышы яхшы.