Икътисад

Казанда III Россия-Кытай яшь галимнәренең конгрессы үтә

Халыкара конгресста урта һәм кече бизнес вәкиле булган 150дән артык яшь делегат катнашачак.
13.09 18:12

(Казан, 13 сентябрь, "Татар-информ", Ксения Быкова). Казанда 12-16 сентябрьдә яшь эшмәкәрләрнең III Россия-Кытай конгрессы уза. Чараны Россия Мәгариф һәм фән министрлыгы, Россия яшьләр берлеге, Россия-Кытай яшь эшмәкәрләр клубы, Татарстан Яшьләр эшләре һәм спорт министрлыгы, шулай ук Татарстан студентлар лигасы, Яшьләр дипломатиясе академиясе оештыра.

Алдагы ике конгресс шулай ук Россиядә узган. Беренчесе - Хабаровскида, икенчесе быел Ульяновскида.

Өченче конгрессны Татарстан башкаласында уздыру юкка гына каралмаган. Казан Европа һәм Азия арасында капка булып тора һәм Россия белән Кытай Республикасы арасындагы багланышлар үсешен күрсәтә, дип билгеләп үтә оештыручылар.

Казанда әле күптән түгел генә Кытайның Генераль консуллыгы ачылды һәм ул үзара мөнәсәбәтләрне ныгытуга ярдәм итә.

Конгресс кысаларында төрле формада Россия һәм КНРның яшь эшмәкәрлекне һәм бизнес-инкубаторны үстерүдәге тәҗрибәсе күрсәтеләчәк, дип хәбәр итә Яшьләр дипломатиясе академиясе.

Конгресс йомгаклары буенча резолюция имзаланачак, анда илләр арасында яшьләр җәмгыятьләренең эшмәкәрлек өлкәсендә хезмәттәшлекнең төп үсеш юнәлешләре күрсәтеләчәк. Моннан тыш 2018 елда Казанда Россия-Кытай студентлары бизнес-инкубаторын эшләтеп җибәрү мөмкинлеге каралачак.
 

КӨН ҮЗӘГЕНДӘ

Быел КФУ да "Татар теле, әдәбият, журналистика" программасы буенча 16 бюджет урыны булачак

“Бюджет урыннары шактый: педагогик белем бирү бүлегендә - 25, филологиядә 16 бюджет урыны булачак”, - диде Әлфия Йосыпова.

«Татар-информ» Ринат Таҗетдиновның юбилей кичәсен онлайн күрсәтә

Тантаналы кичә программасында - спектакльләрдән өзекләр һәм актерның иҗатташ дусларыннан котлаулар.

Галим Гомәр Саттаров телне саклауда кеше исемнәре зур әһәмияткә ия, дип саный

Исем сайлау - катлаулы һәм җаваплы эш, һәм исем җисеменә туры килергә тиеш, ди Казан ономастика мәктәбенә нигез салган галим.

“Мәрхәмәтлелек кәрзине” марафонында катнашучы районнар билгеле

Болар – Татарстанның биш муниципаль берәмлеге: Әлки, Яшел Үзән, Балык Бистәсе, Кайбыч һәм Биектау районнары.

Татарстанның аз керемле 2 мең пенсионеры бушлай азык-төлек алачак

Пенсионерларга тиз искерми торган он, шикәр комы, үсемлек мае, чәй, консерва кебек ризыклар таратыла.