Фән һәм мәгариф

Тукай районында иң кызыксынучан егет-кызлар бүләкләнде

Мәктәп укучылары өчен мондый олимпиада Татарстанда инде берничә ел рәттән уздырыла.
21.12 04:00

(Тукай районы, 21 декабрь, "Татар-информ", "Якты юл"). Тукай районы хакимиятендә үткән атналык киңәшмәдә ТР Дәүләт алкоголь инспекциясенең Яр Чаллы территориаль органы башлыгы Гөлшат Вафина «Кулланучыларның хокукларын яклау» темасына үткәрелгән республика олимпиадасы призерларын бүләкләде. Мәктәп укучылары өчен мондый олимпиада Татарстанда инде берничә ел рәттән уздырыла. Беренче елны анда 400дән артык бала катнашса, быел 4000нән артык укучы үз көчен сынарга теләк белдергән. Бу үсеп килүче буынның үз хокукларын яклау буенча кызыксынучан һәм актив була баруын раслый. Тукайлылар исә быел беренче мәртәбә призер исеменә ирешкән, дип яза җирле басма.

Олимпиаданың беренче һәм икенче турлары дистанцион рәвештә Әлмәт һәм Казан шәһәрләрендә узган. Шулай итеп, өченче тур нәтиҗәләре буенча Мусабай-Завод урта мәктәбе укучысы Лаура Варина «Кулланучылар турындагы законнарны өйрәнүгә омтылышы өчен» дигән номинациядә бүләкләнде. Аңа грамота һәм смартфон бирелде. Кызны әзерләүче – тарих һәм җәмгыять белеме укытучысы Эльвира Нуртдинова. Аңа шулай ук Рәхмәт хаты һәм китап тапшырылды. Калмаш мәктәбе укучылары Дина Бронниковага һәм Ильмир Гыйльметдиновка грамота, укытучылары Тамара Нурисламовага Рәхмәт хаты бирелде.
 

 

КӨН ҮЗӘГЕНДӘ

Илшат Әминов закон проекты авторларының туган телләргә хөкем чыгарганын әйтте

"Дәшми калу мөмкин булмаган, дәшмәү теләктәшлек итү, килешүгә тәңгәл очраклар була", - диде депутат.

Ф.Мөхәммәтшин: Милли телләр югалмавына ышаныч тудырган карар табарбыз, дип уйлыйм

«Татарстанда рус теле татар теленә каршы куелырга тиеш түгел»,- диде Дәүләт Советы рәисе.

“Ватаным Татарстан” газетасы редакторы журналистикада ир-атлар булырга тиеш, дип саный

“Хатын-кызларны яратам, хөрмәт итәм, ләкин бит хатын-кызлар ир-аттан түбән булырга тиешләр”, – ди Миңназыйм Сәфәров.

“Әлиф” спектакле Азербайҗанга театр фестиваленә бара

Спектакльне халыкара фестивальгә җибәрү турында Татарстан Мәдәният министрлыгының карары чыккан.

Татар теле һәм әдәбиятынан VI халыкара олимпиада җиңүчеләре билгеле

Бәйге нәтиҗәләре буенча Гран-при ияләре булып Финляндиядән Ильяс Кадер һәм Казаннан Альмира Хәкимуллина танылды.