Сәясәт, Авыл

Әгъзам Гобәйдуллин Татарстанның Муниципаль берәмлекләр советы рәисе итеп сайланды

Элеккеге җитәкче Минсәгыйть Шакиров сәламәтлеге начараюы аркасында, үз теләге белән вакытыннан алда вазифасыннан китте.
21.12 15:00

(Казан, 21 декабрь, «Татар-информ», Лилия Гаделшина). «Татарстан Муниципаль берәмлекләре советы» ассоциациясенең яңа рәисе итеп Әгъзам Гобәйдуллин сайланды. Бүген Казанда муниципаль берәмлекләр советы XII съездында элеккеге җитәкче Минсәгыйть Шакировның сәламәтлеге начараюы аркасында, үз теләге белән вакытыннан алда вазифасыннан китү гаризасы каралды.

Ассоциациянең Уставы нигезендә, рәисне вәкаләтләреннән азат итү һәм яңа җитәкче сайлау съездда хәл ителә.

946 муниципаль берәмлек вәкилләре җыелган XII съезд Татарстан Президенты Рөстәм Миңнеханов катнашында үтте.

Бүгенге көндә республикада 956 муниципаль берәмлек исәпләнә. Муниципаль берәмлекләр советы әгъзаларының өчтән икесе уңай тавыш биргән очракта яңа рәис сайлана. Муниципаль берәмлекләр исеменнән ассоциациягә җитәкче итеп, 2012-2017 елларда Татарстан Сайлау комиссиясе рәисе булып эшләгән, Тәтеш районы Олы Шәмәк авыл җирлеге советы депутаты Әгъзам Гобәйдуллин кандидатурасын Спас районы башлыгы Камил Нугаев тәкъдим итте. Аның дәүләт эшендә зур тәҗрибәгә ия булуын билгеләп үтте. Нәтиҗәдә, ачык тавыш бирү юлы белән съезд делегатлары Әгъзам Гобәйдуллинны Татарстан Муниципаль берәмлекләр советына рәис итеп сайлады.

2010 елдан Советны җитәкләгән Минсәгыйть Шакиров съезд эшендә катнаша алмады. Аның республикада муниципаль үзидарәне үстерүгә керткән өлешен съезд делегатлары алкышлар белән бәяләде.

Әгъзам Гобәйдуллин сүз алып, үзенә күрсәткән ышаныч өчен рәхмәтен белдерде. «Мин озак еллар дәүләт эшендә булып, муниципаль берәмлекләр, җирле үзидарә мәсьәләләре белән яхшы таныш. Бергә аңлашып эшләсәк, җирлекләрдә тормыш шартларын яхшырта, җирле үзидарәләрнең үсешен тәэмин итә алырбыз дип ышанам. Татарстан җитәкчелеге, Президент муниципаль берәмлекләрне ныгытуга зур игътибар бирүен дә әйтергә кирәк. Республикада социаль программаларының барысы да территорияләрне үстерүгә юнәлдерелгән», - дип Әгъзам Гобәйдуллин үз чиратында бөтен тәҗрибәсен файдаланып, җирле үзидарәләрне үстерүгә көч куярга вәгъдә итте.

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

“Татмедиа” республика агентлыгы футбол чемпионатын яктырткан журналистларны бүләкләде

Бүләкләнүчеләр арасында “Татар-информ”ның 17 хезмәткәре бар.

КФУ эксперты: Казанда аномаль җылы һава торышы 25 октябрьгә кадәр саклана

Казан университеты профессоры Татарстанда 21 октябрьгә кадәр явым-төшем күзәтелми, дип җиткерә.

Гөлшат Зәйнашеваның 90 еллыгына багышланган флешмобка Газинур Фарукшин кушылды

Оештыручылар теләге булган һәркемне флешмобка кушылырга чакыра.

Дәүләт Советы Рәисе Фәрит Мөхәммәтшин Әлмәттә Парламент дәресе уздырды

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара