Сәясәт

Җирле үзидарә органнарының халык мөрәҗәгатьләре белән эшен прокуратура тикшерәчәк

Татарстан Президенты дәүләт һәм җирле үзидарә органнарына гражданнар мөрәҗәгатьләрен игътибарсыз калдырмаска киңәш итте.
21.12 20:06

(Казан, 21 декабрь, “Татар-информ”, Лилия Гаделшина). Татарстан Президенты җирле үзидарә органнарына халык мөрәҗәгатьләре белән җитди эшләргә кушты. Бу хакта ул бүген Казанда, “Корстон” комплексында узган ТР Муниципаль берәмлекләр советының XII съездында әйтте.

Республикада 956 муниципаль берәмлек исәпләнә.

“Гражданнарның һәр мөрәҗәгате үз вакытында каралырга һәм хәл ителергә тиеш. Югыйсә, прокуратура вәкилләре тарафыннан кисәтүләр ишетелде. Һәркемгә билгеле: дәүләт органнары һәм җирле үзидарә органнары өчен халыкны кабул итү буенча бердәм көн бар, ул сишәмбе көнне 14.00-16.00 сәгатьләрдә үткәрелә. Халык мөрәҗәгатьләре белән эшләү буенча вәзгыятьне прокуратура тикшереп торачак һәм һәр квартал саен хисап бирәчәк дип килешенде”, - дип белдерде Рөстәм Миңнеханов.

Мәгълүм булганча, күптән түгел Законнар һәм хокук куллану практикасы мониторингы буенча ТР Дәүләт Советы комиссиясе утырышында гражданнарның мөрәҗәгате турындагы законны үтәү мәсьәләләре каралган иде. Беренче тапкыр анда дәүләт органнары һәм муниципаль берәмлекләрнең гражданнар мөрәҗәгате белән эшләүгә җаваплы вәкилләре дә катнашты.

Татарстан прокуратурасы агымдагы елның тугыз ае эчендә гражданнар мөрәҗәгате турындагы законны бозуның 312 очрагы (узган ел – 353) ачыклануы, 114 вазифаи зат җаваплылыкка тартылуы хакында хәбәр иткән иде. Һәр органда бу законны бозу очраклары бар, иң күпчелектә – гражданнарның мөрәҗәгатен бик озак вакыт караганнар яки бөтенләй җавапсыз калдырганнар.

КӨН ҮЗӘГЕНДӘ

17 июльнең төп вакыйгалары - фото һәм сылтамалар

Приезидент Казан ял паркларын Мәскәү үрнәгендә яхшыртырга тәкъдим итте, 91 укытучы грант алды, "Әдәби марафон" китап укырга өйрәтә.

Президент Югары урбанистика мәктәбе студентларының проектларын уңай бәяләде

Студентларның проектларын поликлиника, балалар бакчалары, мәктәпләрдә капиталь төзекләндерүдә сынап карарга тәкъдим ителде.

Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә

Татарстан Президенты Moscow Urban Forum 2018 Мәскәү урбанистика форумы эшендә катнашты.

Татарстаннан 5 укучы “Артек”ка социаль проектлауга багышланган сменага барачак

Проектта Татарстан, Пермь крае, Мәскәү, Тула, Төмән, Ульяновск һәм Новгород өлкәсе укучылары катнаша.

Владимир Сабан туенда көрәшне Татарстан хөкемдарлары бәяләде

Владимир шәһәрендә 19нчы тапкыр Сабан туен бәйрәм иттеләр.