Сәясәт

Фәрит Мөхәммәтшин депутатларның үз вәкаләтләренә намус белән карарга тиешлекләрен белдерде

Дәүләт Советы рәисе сүлпәнрәк парламентарийларга кисәтү ясап, аларга активрак булырга кушты.
21.12 22:14

(Казан, 21 декабрь, “Татар-информ”, Гөлнар Гарифуллина). Депутатларга округларда халык белән тыгызрак эшләргә – бүген Татарстан Республикасы Дәүләт Советы рәисе Фәрит Мөхәммәтшин Дәүләт Советының 34 нче утырышында депутатларга шундый күрсәтмә бирде.

“Мин сезгә депутат вәкаләтләренә намус белән каравыгызны сорап мөрәҗәгать итәм. Парламент һәм профильле комитет утырышларының барысына да йөрергә, халык белән эшләргә кирәк. Аена бер тапкыр утырыш үткәрәбез. Утырышка килмәскә барыбызның да объектив сәбәбе була алырга мөмкин кебек. Тик барыбер утырышларны калдырмаска тырышыгыз, максималь кворум булсын. Әлеге чакырылышта бер тапкыр да чыгыш ясамаган вәкилләребез дә бар”, - дип Фәрит Мөхәммәтшин депутатларны активрак булырга өндәде.

Парламент башлыгы 2018 елда яңа закон проектларын караганда, аларның 2030-стратегиясенә тәңгәл булырга тиешлеген билгеләп узды. Ул, шулай ук, депутатларга округларда халык белән тыгызрак эшләргә кирәклеген әйтте.

Фәрит Мөхәммәтшин депутат этикасы кагыйдәләре, Дәүләт Советы депутаты этикасы кагыйдәләрен үтәү буенча комиссия, Дәүләт Советының керемнәр, милек турында белешмәләренең дөреслеген контрольдә тоту буенча комиссия гамәлдә булуын искәртеп узды. Ул бу комиссияләргә мөрәҗәгатьләр саны кимемәвен белдерде. “Президент Аппаратыннан кайсыдыр депутатның дөрес хисап тотмавы, керемен яшерүе турында записка керүе начар. Игътибарлы булгыз”, - диде.

Фәрит Мөхәммәтшин депутатлар исеменнән республика Президенты Рөстәм Миңнехановка, Дәүләт Киңәшчесе Минтимер Шәймиевкә, министрлыкларга һәм ведомстволарга нәтиҗәле уртак эшчәнлек өчен рәхмәтен белдерде һәм яңа елда уңышлар теләде.

 

КӨН ҮЗӘГЕНДӘ

20 июльнең төп вакыйгалары - фото һәм сылтамалар

В.Путин пенсия яшен арттыруны ошатмый, Р.Миңнеханов Х.Биктиевны “Дуслык” ордены белән бүләкләде, В.Шәйхразиев кабат Милли Шура рәисе итеп сайланды.

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

Энгель Фәттахов Бөтендөнья татар конгрессының Милли Шурасы составыннан чыгарылды

Бөтендөнья татар конгрессының чираттан тыш съездында Э.Фәттахов урынына Мәгариф һәм фән министры Рафис Борһановны сайладылар.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.