Рәсми Татарстан

Рөстәм Миңнеханов район башлыкларын террорчылыкка каршы пропаганданы көчәйтергә чакырды

«Уңай нәтиҗәләр күзәтелсә дә, безгә тынычланып калырга ярамый», - диде Рөстәм Миңнеханов.
25.12 13:48

(Казан, 25 декабрь, «Татар-информ»). Татарстан Президенты Рөстәм Миңнеханов республика район һәм шәһәр башлыкларын террорчылыкка һәм экстремизмга каршы пропаганданы көчәйтергә, радикаль идеология йогынтысына бирелгән затлар белән системалы кисәтү эше үткәрергә чакырды.

Террорчылыкны кисәтү өлкәсендә вәкаләтләрне гамәлгә ашыру мәсьәләләре буенча җыеннарны ачу тантанасындагы сәламләү чыгышында ул әнә шул хакта белдерде, дип хәбәр итә республика башлыгының матбугат хезмәте.

Рөстәм Миңнеханов фикеренчә, террорчылыкны кисәтү белән бәйле мәсьәләләр, алда торган Президент сайлаулары һәм футбол буенча дөнья чемпионаты уеннарын исәпкә алып, өстенлекле булырга тиеш.

«Җирле үзидарә органнары хезмәткәрләре, иҗтимагый һәм дини оешмалар, барлык халыкның көчен бергә тупламаган очракта, террорчылыкка каршы нәтиҗәле көрәш алып баруы мөмкин түгел», - диде Рөстәм Миңнеханов.

ТР Президенты искәрткәнчә, террорчылык һәм экстремизмны кисәтү ил җитәкчелеге тарафыннан куркынычсызлыкны тәэмин итү, икътисадны яңарту һәм торрыклы социаль-икътисади үсеш буенча дәүләт сәясәтенең мөһим юнәлеше буларак карала.

«Уңай нәтиҗәләр күзәтелсә дә, безгә тынычланып калырга ярамый», - диде Рөстәм Миңнеханов.

 

КӨН ҮЗӘГЕНДӘ

20 июльнең төп вакыйгалары - фото һәм сылтамалар

В.Путин пенсия яшен арттыруны ошатмый, Р.Миңнеханов Х.Биктиевны “Дуслык” ордены белән бүләкләде, В.Шәйхразиев кабат Милли Шура рәисе итеп сайланды.

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

Энгель Фәттахов Бөтендөнья татар конгрессының Милли Шурасы составыннан чыгарылды

Бөтендөнья татар конгрессының чираттан тыш съездында Э.Фәттахов урынына Мәгариф һәм фән министры Рафис Борһановны сайладылар.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.