Рәсми Татарстан

Рөстәм Миңнеханов Ленин исемендәге мәдәни-ял үзәгендә оештырылган чыршы бәйрәмендә булды

Татарстан Президенты капиталь ремонт ясалган бина белән танышты.
25.12 14:46

(Казан, 25 декабрь, «Татар-информ», Анна Тарлецкая). Бүген Татарстан Президенты Рөстәм Миңнеханов Казанның Авиатөзелеш районындагы Ленин исемендәге мәдәни-ял үзәге бинасын карады.

Кунакларны «Раздолье» хоры рус халык җырлары белән каршы алды. Шуннан соң республика һәм шәһәр җитәкчелеге вәкилләре икенче катка күтәрелде. Биредә Горбунов исемендәге Казан авиация җитештерү берләшмәсе хезмәткәрләренең балалары өчен чыршы бәйрәме оештырылган иде.

Бәйрәмгә җыелган балалар, аларның әти-әниләрен һәм төзүчеләрне Яңа ел белән котлагач, ТР Президенты әлеге объектка инде күптән ремонт таләп ителүен һәм, ниһаять, төзекләндерү эшләренең төгәлләнүен искәртте. Шуннан соң Рөстәм Миңнеханов һәм Казан мэры Илсур Метшинга Яңа ел күчтәнәчләре тапшырдылар.

Кунаклар шулай ук 800 кешегә исәпләнгән концерт залын, күпфункцияле концерт залын, спорт һәм иҗат белән шөгыльләнү өчен җиһазландырылган бүлмәләрне карады. ТР Президенты бал биюләре һәм хореография заллары белән дә танышты, кече концерт залында инструменталь фольклор коллективының чыгышын тыңлады. Кинотеатр залында аңа киләсе елга кино чаралары программасын тәкъдим иттеләр.
 

КӨН ҮЗӘГЕНДӘ

20 июльнең төп вакыйгалары - фото һәм сылтамалар

В.Путин пенсия яшен арттыруны ошатмый, Р.Миңнеханов Х.Биктиевны “Дуслык” ордены белән бүләкләде, В.Шәйхразиев кабат Милли Шура рәисе итеп сайланды.

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.

В.Шәйхразиев чираттан тыш съездда үзен кабат сайлаган делегатларга мөрәҗәгать белән чыкты

Бүген Васил Шәйхразиев кабат Милли Шура рәисе итеп сайланды.