Сәясәт

Матвиенко гаиләдән баланы тартып алу кагыйдәләрен үзгәртергә чакыра

Гаилә кодексына үзгәрешләр киләсе елда кертелергә мөмкин.
25.12 18:34

(Казан, 25 декабрь, "Татар-информ"). Федерация Советы спикеры Валентина Матвиенко гаиләдән баланы тартып алу кагыйдәләрен үзгәртергә кирәк, дип саный. Гаилә кодексына үзгәрешләр киләсе елда кертелергә мөмкин. Опека органнары функциясе җәза формасында булырга тиеш түгел, дип белдерә ул. Бу хакта “Российская газета” хәбәр итә.

"Иң мөһиме – гаиләгә авыр вакытта ярдәм итү, гаиләне һәм гаиләдә балаларны саклау”, - дип билгеләп үткән Матвиенко. "Баланы гаиләдән аның сәламәтлегенә һәм тормышына куркыныч янаган очракта гына алырга кирәк. Сәбәбе шул гына булырга тиеш һәм бары суд аша гына”, - дип билгеләп үткән ул.

"Без шундый закон һәм норматив актлар кабул итәргә тиешбез – анда опека органнары эшчәнлеге ачык билгеләнгән булырга тиеш, аларның күзәтчелек һәм җәзалау функцияләре булмаска тиеш”, - дип саный Матвиенко.

Әлеге процесс җиңел түгел, әмма аңа тотынырга кирәк. “Без әлеге карарлар кабул ителсен өчен тырышачакбыз”, - дип белдергән Федерация Советы башлыгы.
Ул яңа елдан “Балачак унъеллыгы” илкүләм проекты старт алачагын җиткергән. “Минем уйлавымча, балаларга иң яхшы бүләк булып, ггаилә канунына үзгәрешләрне гуманлылык күзлегеннән карап кертү булачак”, - дип җиткергән Матвиенко.

 

КӨН ҮЗӘГЕНДӘ

17 июльнең төп вакыйгалары - фото һәм сылтамалар

Приезидент Казан ял паркларын Мәскәү үрнәгендә яхшыртырга тәкъдим итте, 91 укытучы грант алды, "Әдәби марафон" китап укырга өйрәтә.

Президент Югары урбанистика мәктәбе студентларының проектларын уңай бәяләде

Студентларның проектларын поликлиника, балалар бакчалары, мәктәпләрдә капиталь төзекләндерүдә сынап карарга тәкъдим ителде.

Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә

Татарстан Президенты Moscow Urban Forum 2018 Мәскәү урбанистика форумы эшендә катнашты.

Татарстаннан 5 укучы “Артек”ка социаль проектлауга багышланган сменага барачак

Проектта Татарстан, Пермь крае, Мәскәү, Тула, Төмән, Ульяновск һәм Новгород өлкәсе укучылары катнаша.

Владимир Сабан туенда көрәшне Татарстан хөкемдарлары бәяләде

Владимир шәһәрендә 19нчы тапкыр Сабан туен бәйрәм иттеләр.