Рәсми Татарстан

Казанда эшчәнлеген төгәлләүче Төркия илчесе: Минем йөрәгем Казанда кала

Татарстан Дәүләт Советы рәисе Фәрит Мөхәммәтшин төрек дипломатын Татарстанда эшчәнлеген төгәлләү уңаеннан кабул итте.
25.12 20:19

(Казан, 25 декабрь, "Татар-информ"). Казанда Төркиянең Генераль консулы Турхан Дильмач бүген Татарстан Республикасы Дәүләт Советы рәисе Фәрит Мөхәммәтшин белән очрашты. Татарстанда эшчәнлеге төгәлләнсә дә, ул күңеле белән әлеге төбәктә калуын җиткергән. Бу хакта республика парламенты матбугат хезмәте хәбәр итә.

Татарстан Дәүләт Советы рәисе Фәрит Мөхәммәтшин төрек дипломатын Татарстанда эшчәнлеген төгәлләү уңаеннан кабул итте. Казанда өч елдан артык нәтиҗәле эшчәнлеге өчен Татарстан Дәүләт Советы рәисе Т. Дильмачка рәхмәт белдерде.

Татарстан Дәүләт Советы рәисе Татарстан һәм Төркия арасында бигрәк тә икътисад, мәгариф һәм мәдәният өлкәсендә элемтәләр көчәюен билгеләп үтте. Аерым алганда, ике ил арасында парламентара элемтәләрне ныгыту кирәклеген искәртте.

Яклар республикада тормышка ашырылачак алдагы проектлар турында фикерләштеләр.

Фәрит Мөхәммәтшин Татарстанда Дильмачны күрүгә һәрчак шат булачакларын белдерде һәм яңа эшендә уңышлар теләде.
 

КӨН ҮЗӘГЕНДӘ

Казанда имамнарның белемнәрен күтәрү курслары ачылды

Курсларда иң беренче булып КФУның ислам һәм көнчыгышны өйрәнү кафедрасы җитәкчесе, тарих фәннәре докторы Айдар Хәбетдинов лекция укыды.

Рөстәм Миңнеханов Дмитрий Медведев белән очрашачак

Бүген Татарстан Президенты Рөстәм Миңнеханов Мәскәүдә эшлекле сәфәрдә.

Казахстанда Сабан туе көне билгеле булды

Милли бәйрәмне үткәрүдә ярдәм күрсәтү Актаныш муниципаль районына йөкләнгән.

Сәламәтлек саклау министрлыгында Тукай соңгы көннәрен үткәргән мемориаль бүлмә эшли

Казанда Сәламәтлек саклау министрлыгы бинасында шагыйрьнең мини-музеен оештырганнар.

Мөфти Илдар Мөхәммәдшин Эстониядә Беренче мәхәлләне татарлар оештырганын әйтте

Эстониянең Ислам җәмгыяте Республиканың йөз еллыгы һәм Беренче мөселман мәхәлләсе теркәлүнең туксан еллыгына багышланган халыкара конференция уздыра.